《怒火》勁爆Ending! 霆鋒超班激戰 子丹:佢成功畢業

·2 分鐘文章
霆鋒出盡全力使出「迷暈鎖」,子丹頑抗到底。
霆鋒出盡全力使出「迷暈鎖」,子丹頑抗到底。

「宇宙最強」甄子丹親自為電影《怒火》設計跟謝霆鋒於教堂決戰一幕,誓要突破《殺破狼》的經典場面!要求極高的他滿意霆鋒表現,大讚對方成功「畢業」。

甄子丹與謝霆鋒主演的英皇電影《怒火》昨日開畫,身兼動作導演的子丹設計結尾教堂與霆鋒大對決的場面,構思了數月,他向已故導演陳木勝及霆鋒提出所想:「好多喜歡動作片嘅朋友都會認同《殺破狼》最經典嘅一場戲,就係我用警棍同拎住刀嘅吳京對打,我希望搵到自我突破,今次就要霆鋒去挑戰吳京,愈高難度、愈要超越!」

子丹彈琴紓緩氣氛

子丹的突破構思,陳木勝聽後也「O嘴」,而霆鋒坦言當時聽到一頭霧水:「丹哥講完,我都莫名其妙,但既然要挑戰經典,本來我習慣一隻手耍刀,為咗應付呢場對決,我就練雙刀,打起嚟會多啲效果。」子丹對霆鋒說:「當年《殺》係經典,輸咗係應該,贏咗你就發達,打平手都算贏啦!」

為滿足「宇宙最強」的高要求,霆鋒花了個多月時間練習雙刀,拍攝時更刀不離手,至於子丹不斷做引體上升及揮拳作準備。他們不時研究如何拍得好睇又安全,子丹滿意霆鋒表現:「佢成功『畢業』!拍到第7、8日就知道冇問題,吳京一定會打電話畀霆鋒話『你拍得很好』。」

教堂重頭戲現場放置一座鋼琴,子丹即興彈奏Elton John名曲紓緩緊張氣氛,但隨即上演激烈動作戲,更捉住霆鋒的頭「彈」鋼琴,霆鋒說:「丹哥特別擔心我塊面,雖然只係拍咗兩個Take,大家都好滿意效果。」拍完後,霆鋒忽發奇想笑言:「如果能用謝霆鋒嘅頭去幫周杰倫彈鋼琴,一定會好有意思。」

另外,《怒火》於內地橫掃20日蟬聯票房冠軍,累積票房勁破8億5千萬人民幣(約10億2千萬港元),成為今年內地評分最高的動作片,同時更獲國際性影展肯定,入圍蒙特利爾奇幻電影節及紐約亞洲電影節。

2人棄用替身,全程親自上陣拍動作戲。
2人棄用替身,全程親自上陣拍動作戲。
子丹滿意霆鋒演出。
子丹滿意霆鋒演出。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能