【打機≠廢青】 熱愛打機明星逐個數

以前好多人都覺得打機無前途，打機一定係「廢青」。不過近年打機已由廢青玩意轉變成一門專業，仲可以透過打機賺錢。喺香港有唔少明星都會喺私人時間專注打機，仲好鍾意放上網同網民分享，等我地睇下邊啲藝人鍾意打機啦～

香港篇：

古巨基

自稱是元祖級遊戲機迷嘅古巨基透露試過為左打機連續三、四日不沖涼不洗頭，每日打完機就瞓，起身又再打機嘅生活。佢曾經玩網上連線足球遊戲打到世界排名第八位。

張曦雯

宅男女神張曦雯上年打機直播玩到忍唔住爆粗，網民見到佢真性情又唔造作，立即被網民封為「打機女神」。

鄭伊健

眾所周知鄭伊健熱愛打機，可以講係演藝界嘅打機精，更多次成為遊戲展代言人。鄭伊健更自爆一出新遊戲即買，咁多年用咗六位數買遊戲。

張敬軒

電競初哥張敬軒自爆玩得投入時一日三餐都痴住電腦，最鍾意打嘅就係格鬥遊戲。佢更自爆早前以六位數購入電競設備，仲游說老闆楊受成投資成立公司製作電競音樂。

張秀文

無綫咪神張秀文原來都好鍾意打機，拍攝等埋位時經常喪玩。佢仲話曾經試過打機打左13、14 個鐘，唔食、唔飲、唔去廁所。

謝東閔

謝東閔早前奪得無綫big big channel舉辦嘅「明星Game超聯大賽」第一屆冠軍。其實佢之前打機已經打到衝出國際，獲日本廠商邀請到當地參加發布會試新Game。

洪卓立

個樣斯斯文文嘅洪卓立，原來都好鍾意打機。佢更成為英皇電競旗下戰隊G-Rex嘅合夥人。

海外篇：

周杰倫

周杰倫去年成立「J Team」電競隊（J戰隊），並親自擔任隊長。吸引唔少海外選手爭相加入。

林俊傑

一直以來都係鍾意打機嘅林俊傑，於上年成立SMG電競戰隊，仲宣布參加職業聯賽，及經營其他電競項目。