【旅行團比併】 團費$4000有找！緬甸+柬埔寨+越南 3大精選旅行團

踏入開學季節9月，大家係咪都收拾心情投入工作呢？不過下一個長假要等到聖誕節，認真難挨，係時候Plan一個短旅行！不過日本、台灣、泰國以外，大家都想有啲驚喜，倒不如諗下東南亞一啲異國風情國家。以下為大家介紹3大旅行團，各有特色，大家可以揀下有無心水，快手訂啦！

平遊越南嘆美食

推介指數：****（以5星為滿分）

性價比：*****

越南對於好多嚟講仲係好落後，而且危險；其實近十年嚟越南發展一日千里，經已成為一個旅遊國度。呢個5天越南團會遊勻3大地區，胡志明市、美拖、頭頓，多個著名地點包括耶穌山、古芝地道、鯨魚廟等。而且入住5星級國際品牌Pullman。行程包3餐，包括越南海鮮、平桂特色餐、順化私房菜等，每餐都有來頭。最正係呢個5天團都只係4千有找，超抵玩！

越南5天團（AVSGN05L）

價錢：$3,999

出發日期：10月起

查詢：永安旅遊 2928 8882

預訂：按這裡

胡志明市為越南第一大城市。

行程包括耶穌山，包入場門票。

其中一餐為越南生猛海鮮餐。

.

柬埔寨歷史文化之旅

推介指數：****

性價比：****

去旅行唔一定係食買玩，睇當地歷史文化都係好好嘅旅遊經驗。東南亞其中一個最有歷史嘅國度一定要數柬埔寨，吳哥窟入面千年歷史遺跡已經夠驚艷，呢個團就會於吳哥窟留3日，甚至住宿吳哥窟嘅酒店，畀大家深入了解吳哥窟，絕非只留一個上午嘅鴨仔團。另外會去埋金邊，睇獨立紀念塔、波布戰爭陳列館，了解當年赤柬戰爭嘅歷史。

柬埔寨6天團（PRE06-ZSP）

價錢：$3,799

出發日期：10月11、18、21、11月8、22、29日

查詢：康泰旅行社 2108 8888

預訂：按這裡

吳哥窟為當年吳哥王朝遺址，並未完全發掘。

有3天遊覽吳哥窟，但都未必睇得晒。

金邊嘅戰爭陳列館，令人心情沉重。

.

與佛有緣緬甸之旅

推介指數：****

性價比：****

緬甸從來唔係大家第一選擇，未必會諗起。其實緬甸都具特色係其佛教相教嘅景點，呢個團就主打「睇佛」；包括仰光大金塔、勃固千僧化緣、大金石、達拉小鎮等。行程最好係全部景點、活動都唔會有自費活動，仲包埋人力車遊城市、坐懷舊火車；特別行程參觀當地孤兒院，同小朋友遊玩，可自行攜帶舊文具、玩具捐贈小朋友，好有意義呢！

緬甸5天團（AYYSS-5P）

價錢：$3,399

出發日期：10月9日至明年1月15日

查詢：星辰旅遊 2519 8088

預訂：按這裡

仰光嘅大金塔為亞洲最大金佛塔。

千僧化緣非常壯觀，係咪教徒都值得一睇。

大金石位於懸崖邊，極為壯觀。

.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！