【旅行新玩意】唔識游水都唔驚!泳衣做浮床
去旅行,尤其係陽光與海灘,當然最理想係落水玩,感受一下水清沙幼嘅海水。不過唔係人人都可以咁做,因為當你唔識游水,好可能只係坐喺海邊,就算有水泡或者浮床,你都未必敢游太出。
近日西班牙一位藝術家Siigii就推出咗呢款名為「Sun Allergy Diaries」嘅游泳衣,而個外型就十足一塊浮床!穿起之後任你點郁都唔會沉;只會浮喺海面。Siigii目前只喺網上公開個設計但已經被瘋傳,玩味兼實用度十足。唔單止可以浮,呢件浮床泳衣仲可以防紫外線,全身由頭包到落腳,唔會被曬傷。浮床泳衣上面仲畫咗一件頭泳衣圖案,非常搞笑。
目前產品未知會唔會公開發售,但好多唔識游水嘅網民都話想要一件,仲話去旅行著住,實成為全場焦點,自己都變成景點嘅一部分!
Siigii設計呢件泳衣,一著即刻將自己變成浮床。
全身包到實,保證好安全唔會浸親。
仲有防紫外線功能,唔怕曬傷。
相關文章:
.
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!