微辣創辦人六毫子IG出Story試水溫有意重啟頻道?網民反應兩極:面皮厚到
YouTube頻道微辣前經理人阿晶(Jane)上年7月份喺IG剖白自己喺患上抑鬱症及被微辣成員集體欺凌嘅事件始末,數日後就發生輕生事件,微辣頻道亦宣布暫停更新,一眾微辣旗下藝人遭到大批網民聲討及抵制。事件發生接近一年,唔少網民仍然記憶猶新,而潛咗水嘅微辣藝人喺今年逐漸上水,繼Doris多姐(李天慧)高調喺YouTube出新片之外,今日凌晨時段微辣創辦人六毫子(陸志豪)喺IG出Story疑似有意重啟頻道,但網民反應兩極。
喺今日凌晨時段微辣創辦人六毫子(陸志豪)喺IG出Story,首先問:「有冇人話我知條頸點減 先(在)線等」,之後再問「微辣重啟你想睇咩節目」,疑似為為重啟頻道試水溫! 呢個Story一出,雖然有唔少網民留言提供意見及為佢打氣支持之外,亦有網民喺討論區留言表達不滿,例如「拍個節目教bully」、「玩問米 通靈王」、「想睇你成team人一齊去搵阿晶」、「收皮啦微辣 重(仲)死唔斷氣」、「唔怪之得個個都拍片試水溫 根本就一早有哂時間表plan定哂既 即係個個都無悔意」、「面皮厚到」、「人無恥便無敵」、「講下點樣做人可以再無恥啲」、「正正經經打份工咪算囉,冇人想睇」、「直播del account」及「厚顏無恥」等等。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!