旅遊上網必備：全港最平 Wifi 蛋租借攻略

出國外遊要上網，一係買Sim Card，一係就租Wifi 蛋，香港有咁多間Wifi 強租借公司，究竟邊間最抵？ Travelking特地搜羅5大熱門租借Pocket Wifi 蛋的公司，從方便程度到各種優惠，幫大家搵出最抵選擇！

多人同行租蛋最抵

近年，香港多左好多外遊上網方案比大家選擇。如果幾個人一齊出遊，租一隻Wifi蛋 一齊用就最抵，仲可以無限上網。而家租隻Wifi蛋其實好方便，提取Wifi蛋嘅地點多左，價錢仲一啲都唔離地、平均一日幾十蚊（港幣‧下同）就有交易。

1. Wifi Egg（漫遊蛋）最便利

Wifi Egg 提供早鳥優惠，提早30天前預訂，如果去港人最熱門旅遊地點—日、韓、泰、台，日租只需28蚊，其他指定國家亦有95折。除尖沙咀及銅鑼灣門市外，WiFi蛋可於全港過百間7-11便利店交收，亦可選用收費速遞服務，在眾多Wifi 蛋租借公司中最為便利。WiFi蛋租借嘅按金為1,000蚊，需要以銀行過數或信用卡交付。

此外，即日起，成功預訂任何國家之WiFi蛋，即送台灣、峇里島、印度酒店住宿75折。優惠期間由2017年6月15日至12月31日。

2. Crazyegg 早鳥減最多

相比之下，Crazyegg 的原價租金雖然高，但佢地嘅早鳥優惠折扣率亦最高。以日、韓為例，原價日租60蚊；48個鐘前預訂可獲日租優惠價25蚊；31日前預訂更可獲憤怒鳥優惠，日租只係15蚊，非常超值。Crazyegg設旺角及機場門市交收。WiFi蛋租借嘅保證金為500蚊，以現金過數及信用卡授權方式交付。

最近，Crazyegg推出會員積金獎賞計劃，可以換取東京使用的Suica卡、關西ICOCA交通卡、免費機場貴賓休息室入場資格等。

3. WiFiBB回港日免租

WiFiBB嘅日租由40至80蚊不等，提早30日預訂有早鳥優惠8折，租用超過3日更有回港日免租優惠。假設去日本4日，日租正價40蚊，早鳥價32蚊，回程日免租計，總租金只需96蚊，平均日租只係24蚊。WiFiBB設有機場門市交收。WiFi蛋租借需以信用卡授權1000蚊作保證金。

4. 爽WiFi VIP 享8折優惠

爽WiFi嘅原價日租由35至100蚊不等，只需提早3日預訂就有優惠，早鳥日租由28至80蚊不等。爽WiFi設有機場、尖沙咀及觀塘門市交收，另提供收費速遞服務。WiFi蛋租借需支付按金，於網上以信用卡支付則可免按金。

爽WiFi亦不時推出推廣優惠，例如，預訂3次Wifi蛋後，便可成為VIP，除可不受三日期預訂之限制隨時享有正價8折外，全單更可額外再9折，如選擇銀行轉賬的VIP客戶亦可有免按金的優惠。

5. Visondata (維訊數據) 推機場接送折扣

維訊數據的日租價錢由35至80蚊不等，提早20日預訂可獲每日日租減10蚊折扣，以日韓台泰日租原價35蚊為例，早鳥價為25蚊。維訊數據於機場T1及T2、旺角及銅鑼灣均設門市，另提供收費速遞服務。WiFi蛋租借需支付按金，於網上以信用卡支付則可免按金。

而Visondata推出的最新優惠為海外24小時機場接送折扣，韓國、泰國、台灣、日本分別只需HK$110、$120、$160、$400。

資料來源︰Moneyhero