日本男校選美比賽惹熱議 男扮女外型可愛兼有長腿：比女生的腿更細

日本學校不時舉辦唔同類型選拔賽，近日東京就有一間男校舉行「筑駒小姐」美少女選拔，一班男生化身女兒身參選惹熱議。不過，原來呢個比賽早於2006年已舉辦，更是每年一度，歷代佳麗外型都極清新可愛，包括奪得三年冠軍、被譽為女王嘅藤山琴颯，以及打敗藤山琴颯連霸紀錄嘅清水優希菜；而今屆佳麗亦無令人失望，參賽者嘅美腿更成熱話！

筑波大學附屬駒場中學校及高等學校（築駒）係日本頂尖筑波大學嘅附屬學校，即使入學門檻並不低，但學生絕對唔係書呆子，對於選美比賽相當積極。今年筑駒小姐共有6名學生參賽，每名參賽者拍攝宣傳照及比賽時均會戴上假髮、著女裝，及改成女生名字參賽，今次6名佳麗分別係東山葵、津田文香、木村結菜、宮川詩織、渡邊玲、橘彩葉，校方於社交平台發布宣傳照及互動影片時，為免被誤會都會附註「築駒是男校」，不過仍無阻一眾網友「睇女」，其中以橘彩葉最受歡迎，其纖細長腿更成熱話：「太可愛了吧，等等腿是不是太細了」、「無法將橘彩葉從腦海中抹去」、「為了選美減肥嗎？還是一直都這麼瘦」、「比女生的腿更細」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！