曾出軌？Edan@MIRROR疑似被前女友爆料

人氣男團MIRROR成員Edan呂爵安，港大工商管理系畢業，鋼琴8級，唱得又跳得，難怪有「完美package」之稱。今年初推出個人單曲《E先生連環不幸事件》大受歡迎，又開完MIRROR演唱會，人氣直線上升。但近日Edan疑似被前女友爆曾出軌，唔少大學同學亦紛紛爆料。

事源Edan前女友上載被求婚嘅照片，點知有人留言hashtag Edan IG, 女方回覆：「不如尊重埋我，其實戴完帽後都唔會想理佢感受。」之後女方秒速刪走comment，可能係唔想搞大件事，可惜已經引起粉絲關注。網民搵返佢哋分手時嘅IG story，當時明明講係因為追夢而和平分手，亦有祝福對方。但女方後來又喺IG講到Edan好似出軌，所以先選擇結束關係，又話自己沒有匿名講過Edan半句不是，行得正企得正，唔怕網民聲討，睇嚟發生咗啲野。

之後，討論區有啲聲稱係Edan大學同學嘅網民爆料，話Edan喺大學時期已經唔太受歡迎云云。反而網民大讚女方清純有愛心，同Edan分手仲搞到有情緒病，好彩遇到而家嘅真命天子先重新相信愛情。雙方暫時未有任何回應，究竟成件事嘅真相係點呢？可能要佢哋自己先知啦！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！