曾志偉回巢積極改革 傳《流行經典50年》4月播畢《勁歌金曲》重返星期日黃金時段

自從曾志偉回歸無綫後，綜藝節目調動嘅消息源源不絕, 早前有傳《聲夢傳奇》取消，但近日又「死灰復燃」, 又話《#後生仔傾吓偈》會被腰斬，但上星期曾志偉突然現身錄影廠，向一眾主持大派定心丸。最新就傳出由2017年開始播放嘅《流行經典50年》將於4月初播畢, 將會由《勁歌金曲》重返星期日黃金時段。

《流行經典50年》由薛家燕、曹永廉、譚嘉儀和鄭俊弘主持，節目播出幾年一直好受年長觀眾歡迎，因為可以見到鮮有露面嘅資深藝人，又可以重溫昔日經典金曲。曾志偉上場後，第一個大搞作就係同各大唱片公司破冰，所以有傳《勁歌金曲》將會取代《流行經典50年》喺星期日黃金時段播出，而且《勁歌金曲》會以直播及現場樂隊形式做一小時，直撼ViuTV人氣音樂節目《Chill Club》。正正因為呢個原因，所以連晚晚播出嘅處境劇《愛·回家之開心速遞》都要改為逢星期一至六播出。

有記者向無綫查詢，但暫時未有回覆，而《勁歌金曲》主持之一伍富橋則話冇收到通知。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！