雅虎香港新聞 木村拓哉日本100円店初體驗！跟大神入手DAISO家品好物推薦Top6：溏心蛋神器、矽膠保存袋、矽膠筷子
日本的100円店向來令人shop得瘋狂，價廉物美，而大神木村拓哉早前在電視節目獻出其100円店初體驗，而店長更為佢介紹各項熱賣好物，當中的溏心蛋神器、重用廚房紙等等家品，更吸引木村大神無慮即決，大手買入，即睇有咩咁吸引，跟隊去買。
【立即睇】全新 Yahoo Shopping 專頁正式上線，跟貼最新優惠情報！
機票優惠格價平台：
酒店住宿優惠格價平台：
行程及飲食優惠平台：
最近去日本shopping，都會去100円店爆買，去勻Daiso、Can Do、Seria等等，有理無理瘋狂買滿一籃籃，都只是4位數字日圓。在如此多的貨品中，要買得精，可以參考木村大神的選擇，早前木村拓哉在電視節目《木村さ～～ん》中，大爆從未行過100円店，有見及此，節目組找來DAISO店長陪木村大神「逛店」，介紹熱賣貨，直言「不得了，聽着推介，就全部都買了」，當中好幾項令大神「難以相信」的又平又實用，立即入手。
DAISO家品好物推薦1：溏心蛋神器
近年唔少人都按網上教學，學製和式溏心蛋，但用密實袋或者食物盒醃漬時，會發現好難確保全蛋浸於調味料中。此時就要用這法寶，將烚好的雞蛋去殼，放入容器、加上調味料，蓋蓋後冷凍約一小時，就可以一次過製作出4隻完美溏心蛋。曾經創下即日沽清的紀錄，木村即入手2個溏心蛋神器。
DAISO家品好物推薦2：可重用廚房紙
入廚時，會發現廚房紙用得頗快，雖然已夠韌，但有時都幾易爛，用一次就要丟，造成浪費。這可重用廚房紙，吸水後唔易變得溶爛，扭乾水後又可以再用，約可重複洗3至4次，唔少日本媽媽愛用來清潔廚房、抹乾碗碟或吸乾食物水份等等，木村就一口氣買了3卷。
DAISO家品好物推薦3：矽膠保存袋
一物多用，既可用作儲存食物，又可直接放入微波爐，唔洗轉盒轉碗等等，方便又環保，而且在雪櫃內不礙空間。另外會按大細而定價，由200円起，不過木村作為100円初體驗，忍唔住問店長點解係賣200円。
DAISO家品好物推薦4：鋁質衣架
以鋁製成，較一般輕巧及耐用，為不同衣物而設的設計，包括有令恤衫不易鬆脫的衣架、兒童衣物專用衣架等等。一組有三個，木村就大手買入5組。
DAISO家品好物推薦5：小砧板
尺寸是一般砧板的一半，特別加高兩邊，方便擋住切好的食物，不易趺出板外而且有幾個小洞，可用來隔走食物水份；另有掛牆款式，收納最強。
DAISO家品好物推薦6：矽膠筷子
筷子較一般的長，方便煮食用，而一邊如小叉，一邊就似匙羹，可以用來試味用，而且附環紋設計，輕鬆就可以夾起麵類或豆類，木村更搞笑地說，拎米芝蓮就靠佢！
更多相關文章
日本環球影城｜USJ超級任天堂世界5大入園攻略！點樣免費入園？入園第一件事做咩？
