朱茵激罕提前男友 黃貫中表現冷淡:你唔好同我講

朱茵激罕提前男友 黃貫中表現冷淡:你唔好同我講

「港普F4」朱茵、洪欣、蔡少芬同陳法蓉最近現身內地真人騷《請吃飯的姐姐》,喺最新一集入面,眾女大談「前任男友」嘅Topic,當中朱茵罕有談及喺老公黃貫中面前講起前度嘅事,佢就自爆:「我所有男朋友,我老公都不想知道。」同時佢自己都唔想知道黃貫中前女友有邊個,又講到老公曾經對佢坦白過,只不過佢自己依家都已經唔記得晒,反而係有次朱茵主動想同老公講自己感情史,就得到黃貫中冷冷回應:「你還是不要跟我說…」

聽到黃貫中咁樣答,朱茵亦立即面色一沉,直言:「所以我就知道,他不想聽也不想知道,也不想看,所以我覺得,好,他心裏面容不下一點空間,有一條刺。」而佢又覺得前任對佢嚟講亦唔重要,為尊重黃貫中,佢就將所有關於前男友嘅嘢都銷毀,只為令老公唔好再唔舒服。