李君妍《特技人》同方紹聰激咀玩「車震」金髮打女再搶鏡
大台劇《特技人》中,小花李君妍飾演的𡃁模「袁丸」相當突出,除了一頭長金髮令人深刻,佢基本上每次出場都勁騷事業線,仲搶眼過同劇傅嘉莉!去到昨晚一集又有好亮點,李君妍先係於熒幕前首次表演芭蕾舞,之後更同拍檔方紹聰玩埋「車震」!
撰文:東方新地|圖片:Instagram、《特技人》截圖
延伸閱讀:
(有片)《延禧攻略》爆笑NG片曝光!佘詩曼雙語讀對白,一招K.O內地演員!
第一集被感動得夭心夭肺狂哭?《與神同行》10句催淚金句大回顧
《特技人》李君妍演金毛𡃁模
李君妍就喺劇集《特技人》中演飾演𡃁模「袁丸」一角。雖然都係以一貫三、四線角色登場,但今次角色確係亮眼,一頭長金髮相當突出,而且攞正牌走性感路線,似乎比女主角傅嘉莉仲搶鏡喎!
Bra Top打拳搶風頭
早前劇中李君妍著住黑色Bra Top與傅嘉莉打拳,喺鏡頭前露出深長事業線!該幕一出隨即搶去傅嘉莉風頭,仲被網民稱該幕為「全劇最醒神亮點」!
觀眾們睇《特技人》除咗有女主角朱晨麗有機會騷身材外,原來做配角的李君妍都有份晒線!
擺正牌晒線的李君妍真係禾桿冚珍珠,單單著住件運動Bra Top已經有「逼爆」效果,難怪成功突圍搶鏡!
大Deep V唱〈明知故犯〉
日前《特技人》講到李君妍遭連番打擊,心情跌到落谷底,於是約埋一班有錢仔唱K劈酒消愁,睇佢唱〈明知故犯〉唱到幾咁傷心!不過同場的有錢仔自然另有目的……
方紹聰英雄救美
之後李君妍被人帶到後巷,幸好方紹聰(飾演糯米) 及時趕到將佢救走,但英雄救美並唔係咁有型,方紹聰亦被人打到豬頭咁!
《特技人》中李君妍與方紹聰係童年好友,李君妍做藝人後被方紹聰連番相救,而且自己失意時,對方永遠都陪伴在側,係女仔都感動啦!
夜媽媽跳芭蕾舞
原來李君妍想重現當年小學雞跳芭蕾舞的自己,於是隨著《天鵝湖》音樂翩翩起舞~
激咀方紹聰
李君妍對方紹聰本來已有好感,呢一刻夜闌人靜又醉醉哋,感情一發不可收拾,即時攬住對方激咀!
玩埋「車震」!
之後兩人咀到上車,「車震」都玩埋!
兩個人喺車度咀成咁,有下一步行動其實都好正常,見到李君妍右手緩緩移向方紹聰身體下方,以為準備拉下拉鍊之際,方紹聰竟然上手阻止,果然係個正人君子!
李君妍成功簽約做親生女
今年26歲的李君妍喺09年入無綫電視藝員訓練班,本身有武術底子,11年參加《功夫新星》後獲得不少演出機會,但都只係三、四線角色。捱咗接近10年,李君妍做過路人、記者、食客等閒,近年先開始有配角演。
值得同大家一提,入行將近十年,李君妍今年三月終於正式與TVB簽約,成為「親生女」!
A post shared by Lola💋Aurora 李君妍 (@lolaaurora) on Jun 30, 2018 at 3:54am PDT
我老公呀勇 @andylau729 不過好似無乜夫妻相 #平安谷之詭谷傳說 #平安谷
A post shared by Lola💋Aurora 李君妍 (@lolaaurora) on Feb 7, 2018 at 12:04am PST
#BB來了 大結局啦 雖然無張太出現 但都要繼續支持呀 👶🏻👶🏻👶🏻👶🏻👶🏻👶🏻 下星期有第二套新劇出 🙈🙈🙈🙈🙈🙈
A post shared by Lola💋Aurora 李君妍 (@lolaaurora) on Aug 3, 2018 at 5:51am PDT
李君妍坦言成為親生女後有人工加,而且同公司傾過,表達自己想行型格路線,佢仲對公司好有信心,相信會有更多新工作,而角色方面亦會越來越好!捱足近十年,希望李君妍嚟緊會有多啲演出機會啦!
我都有得復活啦🥚🥚 有姐的妹像個寶 多謝姊姊😘😘 @arielarielbb
A post shared by Lola💋Aurora 李君妍 (@lolaaurora) on Apr 1, 2018 at 6:45am PDT
時間匆匆 下次影多啲相先 #red #bigbigchannel大公司周年慶 #bigbigchannel #大公司周年慶 #李君妍
A post shared by Lola💋Aurora 李君妍 (@lolaaurora) on Jul 26, 2018 at 5:19am PDT
身材勁有睇頭
雖然話係靠打入行,但其實完全唔覺李君妍係粗魯男仔頭一類,佢樣子端好,細細粒不過身材勁爆,無論拍劇定私底下都絕不吝嗇騷身材,難怪喺網上有咁多男粉絲啦!
延伸閱讀: