李雲迪嫖娼︳同王力宏傳緋聞 王要出post澄清「我是異性戀」

內地「鋼琴王子」李雲迪涉嫌嫖娼被北京公安當局行政拘留，震撼兩岸娛圈。唔少網友都挖返李雲迪同王力宏傳緋聞嘅新聞，仲話「真相水落石出」。

李雲迪同王力宏因為合作春晚而認識，後來友誼迅速增長，一齊睇戲兼互相「家訪」，「緋聞」不逕而走。2013年初傳得最熱哄哄之際，王力宏要喺微博發文表明「我是異性戀，李雲迪也喜歡女生」！

正當外界以為緋聞會因此而冷卻，點知2013年內地春晚節目上，魔術師劉謙同李雲迪合作演出，劉謙對住李雲迪爆出一句「找誰，力宏？」，令李王緋聞再度炒熱，甚至有傳王力宏不滿劉謙開玩笑而掌摑對方，後來雙方澄清純屬虛構。不過呢句「找力宏」到底係劉謙爆肚定係雙方夾定，就曾經成為新聞話題，劉謙同李雲迪經理人各執一詞。

後來王力宏2013年迎娶李靚蕾，婚後育有3名子女，令李王緋聞算係平靜落嚟。尋晚李被捕消息傳出後，王力宏工作室居然share拘捕李雲迪嘅北京朝陽區公安局微博片段，雖然只係一名公安人員二次創作王力宏歌曲《花田錯》，但就令到唔少網友認為有抽水之嫌。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！