【電影還原事件】梅艷芳夜店遇襲 竟牽連兩江湖人士槍殺事件

·3 分鐘文章
梅艷芳夜店遇襲 竟牽連兩江湖人士槍殺事件
梅艷芳夜店遇襲 竟牽連兩江湖人士槍殺事件

《梅艷芳》電影正式上畫,唔少同梅姐一生相關嘅事蹟再度成為話題。電影除咗刻劃梅姐星途同感情路之外,亦出乎意料紀錄曾經令梅姐捲入軒然大波嘅夜店遇襲事件。梅姐甚至因此要去泰國避風頭,演藝事業一度叫停。

梅艷芳夜店遇襲 竟牽連兩江湖人士槍殺事件
梅艷芳夜店遇襲 竟牽連兩江湖人士槍殺事件
梅艷芳夜店遇襲 竟牽連兩江湖人士槍殺事件
梅艷芳夜店遇襲 竟牽連兩江湖人士槍殺事件

90年代香港嘅娛樂圈曾經受黑社會入侵,巨星如劉德華都試過被黑幫威逼拍戲,甚至李連杰經理人更被槍殺,娛圈中人曾經搞遊行要求外界正視。1993年,到夜店消遣嘅梅艷芳,估唔到會發生一件牽連甚廣嘅糾紛。

當時有報導指,梅姐某晚去到九龍塘一間卡拉OK消遣,期間電影人黃百鳴弟弟黃百年介紹一名有勢力人士俾梅姐識,點知發生糾紛。起因有多個說法,其中之一是江湖人士力邀梅姐「過房」唱K但被拒,另一個講法係涉足電影界嘅江湖大佬,約梅姐傾拍戲事宜,但係電影有部份情節令梅姐難以接受,雙方傾唔掂數。無論事情起因如何,綜合各方報導所見,當晚發生衝突期間,梅姐被人襲擊,最常見描述係被掌摑。前TVB藝人吳麗珠早前接受訪問,提到原來梅姐出事當晚佢都在場,仲話見到梅姐被人「質」咗幾拳。

早幾年Viu節目《晚吹-罪光燈》都有講返呢件事
早幾年Viu節目《晚吹-罪光燈》都有講返呢件事
《晚吹-罪光燈》仲搵返當年剪報
《晚吹-罪光燈》仲搵返當年剪報
仲搵到曾經喺事發卡拉OK任職保安嘅龍哥講返事發經過
仲搵到曾經喺事發卡拉OK任職保安嘅龍哥講返事發經過

後來梅姐搵當時男友林國斌以及一班朋友到場,事件總算平息。但係第二日,有江湖背景嘅電影公司老闆黃朗維喺街頭被人襲擊身中多刀,令人聯想到前一晚嘅酒吧衝突。點知幾日後,黃朗維喺浸會醫院休養期間,有2名槍手潛入病房,向黃朗維頭部連開多槍,黃當場死亡。

黃朗維死後,警方搵梅艷芳同林國斌協助調查,而梅姐為安全計隨即離開香港,據知係同林國斌喺泰國暫避,一去大半年。然而事件仲未平息,梅姐遇襲一年半後,有「灣仔之虎」之稱嘅陳耀興喺澳門參加賽車後,凌晨時份喺街頭俾人槍殺。有指黃朗維嘅死同陳耀興有關,於是黃嘅身邊人進行報復。有記者當年搵梅姐回應陳耀興被殺事件,梅姐就叫傳媒「放過我吧」。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能