棒棒堂阿本患動脈瘤被醫生診斷「非死即殘」 活在當下IG放閃男友

現年41歲嘅台灣藝人阿本（翁瑞迪），當年憑選秀節目《模范棒棒堂》出道，活潑樂觀及花美男形象深入民心。佢喺2016年退居幕後，直至今年7月先宣布回歸幕前，陸續喺各大節目中亮相。早前佢喺節目《單身行不行》中透露自己患動脈瘤，更被醫生判斷佢係「非死即殘」，令粉絲擔心不已。樂觀嘅阿本選擇活在當下，仲識得拎自己嘅病來開玩笑。

早前阿本喺節目《單身行不行》指出自己喺今年年初因劇烈頭痛去睇醫生，經過照腦部斷層掃描及MRI（磁力共振）後，醫生發現佢生動脈瘤和有廔管狀況，更斷言阿本：「你接下來就是非死即殘。」而另一醫生就指佢嘅廔管狀況，有機會令佢「眼球爆出來」。雖然阿本得知自己患重病，不過佢選擇樂觀面對，喺醫生告知佢唔使做任何治療後，佢反而鬆一口氣，話自己經歷呢一啲嘢之後，佢反而有重生嘅感覺。

樂天嘅阿本仲識得拎自己嘅病來開玩笑，日前佢男朋友陪佢去覆診，佢就喺IG放閃，分享話：「今天跟男友去醫院回診，看完診批價，男友問說要拿藥嗎？我很自然的回：「不用吃藥啊，我這個沒藥醫！」突然我們對看了一下，覺得好好笑！因為以前聽到人家用台語在講「沒藥醫」，都是在罵人！沒想到我現在是真心的沒藥醫，兩人哈哈大笑！人生就是這樣啊！有時候愛到卡慘死、有的人癡情沒藥醫！然後不小心走著走著也會碰到真的沒藥醫的課題，解答卻是很簡單的：健康放鬆開心生活就好！哈哈大笑完，這個人生關卡也就變成了一個輕鬆話題而已！」唔少網民都留言送上祝福，例如「嚴重懷疑你在放閃」、「現在開心認真過每一天比較重要 一直幸福」、「放閃文 身體有好點沒」、「被你的樂觀閃到開心又有點心疼」、「要幸福 也健健康康 開開心心」、「希望你每一天都平安健康，幸福快樂！」、「看到你幸福開心我們就高興啦～」及「人生也是一門學科，活在當下想做什麼就去做，我們會支持你」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！