樊亦敏自覺不是偶像派 唔介意被定型演師奶

樊亦敏(Amy)入行超過30年,曾在無綫劇集中演繹過不少經典角色,由於之前受健康問題困擾以致身形肥胖,一度被定型專演師奶,卻因入型入格「演出彩虹」,近年憑處境劇《愛.回家之開心速遞》「三太」成功贏盡男女老少喜愛。樊亦敏日前接受無綫娛樂新聞台節目《星光路上》專訪,與主持潘盈慧暢談30多年演藝路種種經歷,並大方分享健康問題及愛情觀等。

不介意演師奶

樊亦敏笑指自己有三太特質:「我講嘢好快、個腦諗嘢唔係好正常,所以做到三太。我會突然間好肥、突然間又會瘦番,係古靈精怪嘅人。」雖然易肥易瘦,但Amy並未因而感到困擾:「肥有肥靚、瘦有瘦靚,有自信就得。」並坦言去年立定決心減肥只是為了健康著想。雖自稱不正常,但樊亦敏訪談期間相當大方坦白兼風趣幽默,談到當年參選港姐時大熱倒灶三甲不入,Amy亦有一套獨特看法,絲毫未受打擊:「我覺得自己靚咪得囉,你俾唔俾(三甲)我,我都係靚㗎,我開心咪得。」

Amy對於被定型演師奶亦毫不介意:「我冇乜感覺,我唔係偶像派,我真係演員就要演唔同嘅角色。就算演師奶,角色上一定有啲嘢好玩嘅,因為呢個世界有好多唔同類型嘅女士。唔好睇少師奶,我覺得師奶好可愛,That’s why I love師奶!師奶好難做,要精明、要溫柔、要深思熟慮。」不過愛挑戰的Amy,還是希望往後角色能更多元:「我好想做潘金蓮,我有問過陳維冠(無綫監製),話我可以做唔搞笑都得㗎,做吓名妓得唔得呢?」

曾因脫髮困擾犯眾憎

Amy在訪問中提到自己初出道時,因為過敏症及免疫系統等問題,以致身體多處出現毛病,甚至嚴重脫髮;當時被力捧拍劇的Amy,由於頭皮有三分二面積沒有頭髮,一度要戴假髮出鏡,這也造成Amy極大困擾。Amy坦言當時完全不能接受,故未有將自己的情況告知太多人,因而引起不少誤會:「其他同事會諗點解我唔使出外景,點解綜藝搵我去玩我唔去。好多人覺得我好串,係咁推嘢做,又唔答人嘢。我當時只係二十零歲,好多嘢唔識面對,只係想快啲好番。」

原文刊登於 AM730 https://www.am730.com.hk/娛樂/樊亦敏自覺不是偶像派-唔介意被定型演師奶/321093

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能