江嘉敏聽情詩毛管戙

薛家燕大讚3位「新抱」江嘉敏、麥美恩與朱智賢有喜感。
薛家燕大讚3位「新抱」江嘉敏、麥美恩與朱智賢有喜感。

藝人薛家燕、朱智賢、江嘉敏及麥美恩等主演的無綫賀歲劇《黃金萬両》昨午開鏡拜神,眾人在34度高溫下穿上厚重的古裝,熱到大汗疊細汗!江嘉敏今次與馬貫東一對,她說:「阿東喺戲裏面係讀書人,成日對住我吟詩作對。(好肉麻?)因為係詩句,查明意思嘅話都有啲毛管戙!」又預告有床戲及吻戲,但她自言絕非浪漫女生:「冇乜遇過好浪漫嘅男友。(鍾意實幹型?)最緊要適當嘅時候做適當嘅嘢,拍拖浪漫都係必要元素。」

麥美恩與曹永廉配成一對,角色「鱷魚頭老襯底」,人前卻御夫有術。問到現實中是否「話事女友」?她說:「希望唔好,我都想小鳥依人。(拍拖未?)冇呀!真係好忙。」相隔5年再拍劇的薛家燕向來捱得,但穿3層戲服亦感辛苦,要不停換內衣,幸全劇只有8集,預計1、2個月便煞科。

江嘉敏自認唔夠浪漫。
江嘉敏自認唔夠浪漫。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能