法國巴黎聖母院重建項目落實 十字架泳池落選
2019年4月15日法國巴黎聖母院突然發生大火,猛火燒穿聖母院屋頂尖塔,舉世震驚,成為全球文化界一大慘事。經過一年多時間策劃,日前法國總統馬克龍終於拍板定下維修計劃,決定完全復建之前屋頂模樣,唔會用新設計。原來聖母院被燒之後短短兩日就籌得共9億歐羅捐款,期間馬克龍表示希望於2024巴黎奧運前可以重建聖母院,仲話可以接納「當代風格」作為聖母院全新模樣,結果真係收到大量設計公司提案,包括其中一個相當大膽嘅十字架泳池,就係將屋頂變成一個十字架形狀嘅泳池。不過經過馬克龍與「法國國家遺產和建築委員會」商討多時之後,最終都係決定重建舊式屋頂,保持聖母院傳統哥德式建築模樣。巴黎呢一年來經歷大雨、大雪及新冠肺炎重重難關,令重建計劃一拖再拖,希望仍可以趕及2024年完工啦。
相關文章: