法證先鋒6｜尹詩沛為演日本人角色苦練口音 網民認唔出：非常專業

尹詩沛過往喺唔少劇集都有驚人演出，如《十八年後的終極告白》中嘅「豬肉娣」、《金宵大廈》中嘅SheShe親熱等等，演技受到肯定。日前，於TVB劇集《法證先鋒VI：倖存者的救贖》飾演日本妓女村上雅美一角，成為焦點。

日前（29日）《法證先鋒VI：倖存者的救贖》播出一集，講述星柏（黃宗澤飾）喺日本搵到寶英（王敏奕飾）大學時期嘅好友村上雅美（尹詩沛飾），希望有尋妻線索。由於「村上雅美」一角角色設定為正宗日本人，因此尹詩沛透過劇組化妝和一出場即講日語，令唔少網民第一眼未能認出佢。尹詩沛努力以「日式英語」向黃宗澤解釋當日失踨嘅原因，並提到自己曾遭一個戴面具嘅人綁架，除咗所說嘅英文明顯有日式口音及甩甩咳咳，尹詩沛仲落足心機刻意調教過「Letter」及「Middle」嘅發音，加埋奇特嘅Grammar，網民大讚尹詩沛演繹日本人豪無違和感：「尹詩沛講英文扮日本人扮得好好」、「尹詩沛佢真係扮得好似，非常專業」、「做得好好，口音好似日本人」、「尹小姐拍戲從來未令到觀眾失望，今年視后係佢」、「自詩沛做star lady已開始留意佢非池中物佢」、「尹詩沛從不令人失望，藉（值）得更多機會，加油！」等等。網民仲睇得出尹詩沛事前一定做咗好多準備工夫，尹詩沛表示自己練發音練咗約一個月 ：「初初劇本個英文翻譯翻得太好，但我覺得以日本人嚟講嗰啲英文太難，所以我自己重頭譯過一次然後再反覆練習，都練咗一個月左右。」、「主要係Th嘅音就變成Se， T字發音變成D字發音，R 變成A發音咁。」

藝員訓練班出身嘅尹詩沛，多年嚟演過唔少路人甲角色，如空姐、記者、護士、秘書、妓女或模特兒等等，早年就成日被安排飾演風塵女子，仲被網民封為「御用舞女」，直到2020年喺《十八年後的終極告白》中飾演「豬肉娣」，戲路開始改變，多飾演中女，就開始被封為「御用師奶」。但尹詩沛就表示，自從《黃金有罪》演完媽媽桑一角後，就已經脫離風塵女子行列，自己唔介意演咩年齡，最緊要無違和感、觀眾睇得舒服。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！