波波密語:直腸直肚 得罪人多 筱靖長期被照肺 波波學嘢打底

波波與筱靖同樣出名敢言,不過敢言的路線就各有不同。
波波與筱靖同樣出名敢言,不過敢言的路線就各有不同。

《繽FUN星網》新推出泰國地道美食平台After5特約節目《波波密語》,由「36E無綫性女」黃婧靈(波波)擔任主持,今集請來亞姐出身的敢言代表筱靖(Manecy),與波波開香檳密密斟。雖然首次見面,但兩女已喋喋不休,入世未深的波波,對前輩筱靖自爆曾多次失言被高層照肺的事特別有興趣,似為照肺打好根底。

於加拿大長大的筱靖,爺爺為中國酵母引進之父陳培,家族背景強勁。2007年她返港參選亞姐,並進身港澳特區賽區12強,繼而成為亞視旗下藝人,惟2015年因亞視財困欠薪,筱靖講了一句「出糧係天經地義」,竟被亞視雪藏,其敢言性格令人留下深刻印象。至2016年,筱靖進軍飲食界,投資7位數打造德國餐廳,成為商界女強人。

拒絕裝傻扮懵

對於成為敢言代表,問到有否擔心得罪人?筱靖坦言:「我長期得失人,但得罪咗人,人哋嬲我都唔知,試過同師妹去台灣,我喺架車倒後鏡照鏡,師妹講嘢我冇應佢,當佢問我點解,我好隨意答,眼中只有我自己,點知師妹幾年後摷番出嚟講,原來係咁耿耿於懷。」

其率直個性未必人人能接受,筱靖自爆以往經常被高層召回公司「照肺」,惟她依舊我行我素:「我咁樣講嘢有問題?我睇到其他女仔嘅方法,係人哋會問啲咩,佢哋可以扮傻就『鼠』走咗,但我嘅位置係冇必要扮傻,係咪先?」「有嗰句講嗰句」的原則,即使卸下藝人身份,筱靖與男友相處依然故我,她笑說:「我哋相處到,因為佢直頭會同我講,我生日我自己安排買機票,自己去玩,最後只需要畀張單佢就可以。」

波波聞屎興奮

而於《Thai多嘢講》環節,泰籍華僑「年糕」就教大家分辨顏色,原來泰文入面,顏色的「色」字發音為「屎」,彩色叫「奶屎」,啡色叫「屎諗旦」,波波聞言眉飛色舞,不斷屎來屎去,又大講粗口諧音,場面搞笑。

筱靖性格率直,往往得罪人多稱呼人少。
筱靖性格率直,往往得罪人多稱呼人少。
波波
波波
波波學泰文屎來屎往,笑料百出。
波波學泰文屎來屎往,笑料百出。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能