港女講日：醒醒吧公主們！10個公主病患者常見症狀

早前成員秋元真夏、松村沙友理以代言人身份來到台灣出席代言活動，於超市見到條寫住「公主病」包裝嘅朱古力棒，好奇「公主病」係咩意思，主持人就講笑:「就係指你哋好似公主，好靚女咁解。」

秋元信以為真，仲好開心咁講「要買返去畀乃木坂46成員一人一條!」唔知秋元知道真相會唔會嬲嬲豬呢?但諗真啲，公主病症嚴重嘅人真係會以為自己係公主架，所以當聽到人哋讚自己似公主而覺得飄飄然，其實某程度上真係有公主病呢!

近年唔少人將港女同「公主病」劃上等號，咁究竟兩者有咩共通病症?

1.情緒難控制、易失控，例如喺條街上大吵大鬧或者狂喊

2.唔聽其他人講嘢，自己講咩都啱哂，要對方都要同意或者跟住做，其實你先係最蠻不講理

3.覺得人哋畀錢係天公地道，唔會覺得唔好意思

4.經常用超級嗲嘅聲線要求男友或者兵買嘢畀自己

5.額頭鑿住個「錢」字，咩都錢字掛帥，完全睇唔起窮人

6.無論男方身在何處都要求佢接送

7.干涉男方個人興趣，唔鍾意佢去打波、打機、砌高達等，覺得佢冇大志

8.以為自己真係公主，係全世界最靚嗰個

9.公主身旁總有幾個奴才吧，認為其他人幫自己係天經地義

10.表面好斯文，實質係是非精，背後不停講人壞話，仲好有心計識得扮可憐

誠實啲講，你中咗幾多項吖?有病就去醫唔好等喇!

圖片來源：SONY MUSIC