港姐複試:唔見影已落選?「東涌羅浩楷」被起底來頭唔惹少

·2 分鐘文章
港姐複試:唔見影已落選?「東涌羅浩楷」被起底來頭唔惹少
港姐複試:唔見影已落選?「東涌羅浩楷」被起底來頭唔惹少

年度盛事《2021香港小姐競選》首輪面試有唔少騎呢佳麗成為全城熱話,今日(16日)進行第二輪面試,只係得番小部分「騎呢佳麗」有幸入圍,其中於第一輪面試大耍港女自拍十式搶Fo嘅張嘉慧(Amy)着上碎花裙現身,佢今次就文靜得多,只說:「我當嚟玩吓識吓朋友。」另外,喺芸芸佳麗中,Michelle竟以旗袍上陣似足「旗袍大媽」成功「突圍而出」,佢表示着旗袍因為對自己身形好有信心,並希望中西融會,展現中西美。

至於首輪面試最「爆」嘅「東涌羅浩楷」霍韻璇(Kirsten)就未見蹤影,未知係咪已經落選。但其實Kirsten非常有料,原來佢係唱得之人,曾以「Lenar Bata」之名發布過唔少歌曲及兩張專輯,部分歌曲更有拍攝MV,其中《Kiss Me》就去番佢來自嘅東涌取經,於屋苑內慢步,意境獨特。而面試當日陪同出席嘅哥哥亦以「Lenar Mitchell」之名出歌,兩兄妹又開設影片頻道,不時拍片合唱。

食雪糕!
食雪糕!
好鍾意電攣頭髮。
好鍾意電攣頭髮。
好有登台Feel。
好有登台Feel。
朱唇半開。
朱唇半開。
東涌取景拍MV。
東涌取景拍MV。
出過碟架。
出過碟架。

另外,Kirsten社交網有唔少自拍舊相,見佢留有大波浪捲曲長髮,回復少女味,未有如面試當日般「老氣」,網民即為佢平反:「你參賽嗰日係咪得罪造型師同化妝師。」至於其「提名人」林作連日來亦晒出Kirsten唔少靚相,當中一張相Kirsten着上旗袍,林作講笑話係佢第二輪面試嘅造型,豈料今日的確有佳麗着旗袍現身。

張嘉慧今次文靜好多。
張嘉慧今次文靜好多。
冇晒「港女十式」。
冇晒「港女十式」。
Michelle着旗袍上陣似足「旗袍大媽」。
Michelle着旗袍上陣似足「旗袍大媽」。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能