澳洲消防員月曆2024｜猛男消防員肌肉大放送 騷胸肌與小動物合影

澳洲消防員自1993年開始，每年都會推出《澳洲消防員月曆》，由一班健碩身形嘅消防員赤裸上身拍攝月曆，非常養眼。2024年嘅Australian Firefighter澳洲消防員月曆日前已開放供訂購，更包括枕頭套；另外，除咗掛牆款，今年更首次推出座枱月曆及Daily Planner供選購，相信一定令大家血脈沸騰。

其實，推出「猛男月曆」嘅目的係為咗做慈善，所出售月曆嘅部分收入會捐助唔同慈善團體，曾為兒童醫院基金會、被遺棄動物、自閉症病人、貧困農夫等籌集資金；過往澳洲山火差唔多燒足一年，叢林被毀及令野動物無法返回棲息地，其捐款機構開始擴展至動物相關機構，並將月曆圍繞動物。而2024年最新月曆亦與小動物相關，共有6個版本，包括狗版、貓版、馬版、綜合動物版、經典版與英雄版，當中有猛男消防員個人肌肉特寫，亦有與貓、狗、馬、羊駝、小鴨與狐獴等小動物合照，今年更加入兩名美國消防員和一名加拿大消防員，女士們又可以有藉口明正言順𥄫仔！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！