東張西望懶人包︳何太兒子稱何伯「臨老入花叢」 何太澄清無結三次婚 發毒誓「以後搵唔到錢」

《東張西望》繼續跟進何伯同何太嘅故事,今集主要講錢,另一亮點係何太18歲兒子受訪 -

東張西望懶人包︳何太兒子稱何伯「臨老入花叢」 何太澄清無結三次婚 發毒誓「以後搵唔到錢」
東張西望懶人包︳何太兒子稱何伯「臨老入花叢」 何太澄清無結三次婚 發毒誓「以後搵唔到錢」

何太首次現身《東張》時穿金戴銀,因此備受批評。何太今集就解釋當日大晒行頭係想表達何伯有幾愛佢,並指何伯對亡妻更好,送過好多珠寶俾大何太,數量甚至多過佢,但而家大何太啲首飾喺細女保險箱。訪問出街後,疑似何伯仔女喺facebook群組出post話,拎走何伯戶口筆錢係維護權益,日後亦會負責照顧父親生活。

疑似何伯仔女喺facebook群組出post話,拎走何伯戶口筆錢係維護權益,日後亦會負責照顧父親生活。
疑似何伯仔女喺facebook群組出post話,拎走何伯戶口筆錢係維護權益,日後亦會負責照顧父親生活。

但何伯受訪時再炮轟仔女,更指唔需要仔女供養。「佢哋一個錢都冇幫手搵,一個幾毫都冇存入銀行。細個嗰時由我養大,供書教學,佢幾時有養過老竇?冇養過我。嗰啲係我血汗錢嚟」。對於自稱何家子女聲稱向何太追討,何太就話「我地結婚收禮物,有咩資格追討?」,又話如果何伯仔女冇拎走嗰450萬元積蓄,老公就可以自己生活,並認為老公有權選擇自己嘅生活。

自稱何伯大仔發文
自稱何伯大仔發文

網民極期待何家仔女回應,但《東張》團隊打俾眾人都冇人應機,唯獨曾經爆粗鬧外父嘅細女婿阿威有接電話,但聽到係何伯就立即Cut線。而網上有自稱何伯大仔發文,話老父未送過咁多嘢俾媽媽,亦唔明白後母「點樣可以用咁短時間𠱁我老竇送咁貴嘅嘢」,眾兄弟姊妹因此決定拎走聯名戶口筆錢。

何太澄清無結三次婚
何太澄清無結三次婚

而家何伯450萬積蓄被細女提走,何太就話將日前展示過、何伯今年情人節送俾佢嘅「流星錘龍鳳鈪」變賣,仲聲稱蝕咗2萬蚊都將原值10萬嘅龍鳳鈪賣出。搞到變賣家當,何太就話「我點都支持佢,就算瞓街我都同佢一齊,我一定力撐佢。我到呢一刻唔撐佢都唔係人啦!」。

何太再次為事件而落淚,何伯亦都再次護妻,同埋再次鬧仔女。「佢(細女)簡直冇人性,喺街千祈唔好話係我啲仔女,千祈唔好講呀!我衰唔起呀!」。同時何伯man爆安慰何太。「唔好喊,唔好理咁多,要撐得住呀!我哋一直撐落去,等出面踩我哋啲人睇得到囉!」。

何伯man爆安慰何太「唔好喊,唔好理咁多」
何伯man爆安慰何太「唔好喊,唔好理咁多」
本來想拎返筆錢而報《東張》,結果何伯何太承受唔少網友批評。
本來想拎返筆錢而報《東張》,結果何伯何太承受唔少網友批評。

何太「人氣急升」之後,網上有人爆料話何太同首任丈夫有個仔,離婚後結識年長嘅第二任丈夫,借對方過橋申請公屋,再離婚後喺街市撻著何伯。何太澄清,連埋何伯只係結咗2次婚。何太形容上段婚姻「刻骨銘心」,因為被前夫虐待過而有陰影,並對婚姻恐懼,本來只係想湊大個仔就算。咁點解同何伯閃婚?節目中未有何太回應。

何太另外解釋申請公屋同前夫無關,「嗰時我嫁我前夫,佢都係住劏房,我哋一齊捱劏房。之後由於性格不合就離婚,我攞到身份證就同囝囝一齊申請呢間公屋」。節目中何太更忽然發毒誓。「如果我講任何大話,我以後搵唔到錢,窮光蛋一個,好唔好?得未,最夠毒㗎喇!因為我理想係要賺好多好多錢」。

東張西望懶人包︳何太兒子稱何伯「臨老入花叢」 何太澄清無結三次婚 發毒誓「以後搵唔到錢」
東張西望懶人包︳何太兒子稱何伯「臨老入花叢」 何太澄清無結三次婚 發毒誓「以後搵唔到錢」

何伯表示相信老婆之前只係結過一次婚,「佢同我講係第二次,冇第三次。嗰時返去廣州,我見過佢家姐,佢家姐都畀咗少少料我,就係佢嫁我,我係第二任丈夫囉」。

呢集《東張》另一焦點係何太18歲嘅仔匿喺房中受訪。阿仔話「開頭聽我阿媽話搵咗個新男友,仲要年紀咁大,我係接受唔到,覺得阿叔臨老入花叢」。日前播出嘅預告中,何太喺鏡頭後聽到「臨老入花叢」,即刻叫個仔唔好亂講嘢,但訪問片段就冇咗呢段。

何太兒子受訪時稱何伯「臨老入花叢」
何太兒子受訪時稱何伯「臨老入花叢」

阿仔話後來見到何伯錫阿媽而放心,佢同何伯相處亦融洽,有講有笑,每日都一齊食飯。對比生父同何伯,阿仔讚何伯好。「以前個爸爸呢……又打又鬧我阿媽。而家叔叔(何伯)脾氣又好,對我阿媽好好,對我都好。(點好法?)會買小食畀我,會去麵包舖買麵包」。何太阿仔認為網民誤解媽媽為人,「我睇得出佢絕對唔係啲咁(貪錢)嘅人」。阿仔仲話,會努力讀書工作賺錢養阿媽同何伯,並明言全力支持媽咪,叫佢唔好唔開心。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!