澳洲硬幣現錯體 升值60,000倍
去旅行環遊世界各國,好多人除咗買紀念品之外,亦喜歡儲下當地貨幣,留作紀念。如果大家有去過澳洲,又有留硬幣的話就真係要檢查下,因為一批2007年製造嘅硬幣被發現有唔少錯體,其中一個5分錢硬幣,幣嘅兩邊都印成女王像,即係兩邊都係「公」,無印到「字」。呢個5分錢硬幣,最終以3,000美金賣出,升值60,000倍!另外一個2蚊硬幣,則被重覆打印,出現「圖疊圖」嘅情況出現。除咗2007年一批外,有一批2000年出廠同樣有類似錯體情況,最貴一枚被炒至4,000美金。有硬幣收藏家就話,錯體硬幣比錯體紙幣價值更高,因為硬幣被發現嘅機會細過一張張嘅紙幣,始終好少人會特登細看手中硬幣,所以錯體硬幣更值錢呢!
相關文章:
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!