火車變巴士!日本四國「兩棲巴士」首度行駛

·1 分鐘文章
DMV於路軌時速為60公里,於陸路則可以去到100公里。(圖:Japanstation@Twitter)
DMV於路軌時速為60公里,於陸路則可以去到100公里。(圖:Japanstation@Twitter)

旅行或者外遊要舟車勞頓,好多時要轉幾程車,拎住行李或者一家大細要上車落車可以話係非常麻煩。

而日前日本四國正式啟用全球第一架兩棲巴士,可以自由轉換由火車變成巴士,免卻轉車之苦!呢輛名為「Dual Mode Vehicle」(DMV)嘅列車可坐21位乘客,外型好似一架普通巴士,平時可以好似火車咁於路軌上行走,只要駛入轉換站就可以輕鬆轉換成陸路車軚變為普通巴士於馬路上行走。

DMV概念早於1962年就出現,但礙於技術所限一直至2002年先開始研究,原本預計於2015年啟用,但一拖再拖至日前正式於日本四國德島縣海陽町營運!DMV於路軌時速為60公里,於馬路則可以去到100公里,目前會行走當地阿佐東線,全程10公里。營運公司話希望可以服務到當地市民,免卻年老居民要轉車,另一方面希望推廣至全日本,推動旅遊業呢!

全球第一輛DMV正式於日本四國德島啟用!(圖:Japanstation@Twitter)
全球第一輛DMV正式於日本四國德島啟用!(圖:Japanstation@Twitter)
駛入轉換站就可以輕鬆轉換成陸路車軚變為普通巴士。(圖:Japanstation@Twitter)
駛入轉換站就可以輕鬆轉換成陸路車軚變為普通巴士。(圖:Japanstation@Twitter)

___________________

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

___________________

相關文章:

美國肯德基員工上年無請過假 年底竟獲近港幣八萬全勤獎金?

2022年世界4大重要預言!印度神童預言疫症幾時完?外星人將會出現?

世界各國千奇百趣元旦習俗!你聽過幾多?印度喊住過年 蘇格蘭人擺錢喺門口?

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能