疑搵唔到地方搬 雯雯無限放負嗌絕路

藝人張致恒老婆區燕雯（雯雯）因獨自承擔經濟壓力，上月底上載黑底白字story表示「撐唔住」，不過同時佢又公開廣告相，搵到人搵佢拍廣告，正當大家都以為佢事業有轉機之時，點知事隔不到兩周，雯雯再次發揮「放負」技能，今日（12日）凌晨，再次post出黑底白字留言：「好絕路 究竟可以去邊？」疑似暗示「走投無路」，即令人諗起佢早前透露過正努力搵地方搬屋，雖然搵到地方但解決唔到租金問題，未知此post係咪有關，更有同理心爆棚網友，擔心佢會因此而做傻事。