疫下愛的故事 女同志交友 APP 結緣 網上證婚許盟誓:「喺我面前,你可以做返自己」

Krystal與阿寶於交友程式Butterfly相識,交往一年多後決定踏入人生另一階段。
Krystal與阿寶於交友程式Butterfly相識,交往一年多後決定踏入人生另一階段。

【Yahoo 新聞 LGBTQ 系列報道】「希望你唔好介意你嘅性別,喺我面前,你可以做返自己」。Krystal 在婚禮上,對太太阿寶說出這段誓詞。兩人在疫下透過交友程式相識,交往一年多後,去年底以網上證婚形式共諧連理。由網友發展到靈魂伴侶,浪漫背後埋藏許多辛酸,包括家人的不理解。結婚近半年,阿寶仍不敢告知家人,「愛有好多種表達方式,我希望支持同包容會係其中一種」。

文字記者:盧珮瑤

攝影記者:Wildchild

訪問當日,兩口子到酒店準備慶祝情人節。「我哋早兩日先嗌完大交!」新婚莞爾,兩人床頭打交床尾和,變回兩個「大細路」,「我唔開心就會嗲佢,要佢呵呵」。性格剛強的阿寶(化名),只會對愛人流露脆弱一面。

訪問當日,兩人準備慶祝情人節,阿寶為Krystal精心挑選花束作禮物。
訪問當日,兩人準備慶祝情人節,阿寶為Krystal精心挑選花束作禮物。

交友 APP 一「like」牽紅線

24 歲的阿寶從小就對女性有好感,但礙於家人和社會規範,大學時期嘗試與男生談戀愛,「但我發現唔係好鍾意有身體接觸,到之後就無再下個一定要搵男仔」。26 歲的 Krystal(化名)一直有與男生交往,也遇過心儀的女孩,「開始諗返其實自己搵緊咩,未必係一個男定女,係一個夾嘅靈魂,係心靈交流多啲嘅人」。阿寶在疫情下多了玩交友程式,Krystal 在 Butterfly 用戶的帖子發現她的留言,隨即點讚並開始對話。2020 年 7 月,紅線由一個「like」開始。

疫下約會買外賣 「死都唔肯除口罩」

從短訊交流到通宵「煲電話粥」,兩人相識數周後首次相約見面。Krystal 憶述,受禁堂食令影響,兩人晚上買外賣到觀塘海濱,「嗰陣好驚佢見到我個樣就覺得唔啱,所以我死都唔肯除口罩」,阿寶隨即笑道:「嗰陣心諗呢個女仔乜事,都幾尷尬,但之後覺得約過一次都可以再見」。兩人於第二次約會正式交往。

兩人均為「角落生物」粉絲,小公仔成為她們的訂情信物之一。(受訪者提供圖片)
兩人均為「角落生物」粉絲,小公仔成為她們的訂情信物之一。(受訪者提供圖片)
兩人指,平日出外都會如常拖手,間中會有途人側目,阿寶笑言「我哋咪睥返佢囉!」。(受訪者提供圖片)
兩人指,平日出外都會如常拖手,間中會有途人側目,阿寶笑言「我哋咪睥返佢囉!」。(受訪者提供圖片)

阿寶性格剛強,Krystal 心思縝密,「佢表面好大男人,成日要好堅強,但實質係個小朋友,我會多啲留意佢係咪唔開心,希望佢正視自己情緒」,阿寶則最愛 Krystal 的敏感和細心,「佢好了解我,唔使講啲咩佢已經會知我諗咩」。曾被伴侶欺騙的 Krystal 最珍惜阿寶給予的安全感,「我好記得佢講過『我咩都會同你講』,嗰刻有種莫名嘅感動,而佢真係做緊,有時我無問出口,佢覺得我會介意嘅都會講」。

交往一個月後,阿寶先向母親出櫃,反應較想像中激烈,「佢完全接受唔到,講咗啲好 hurt(傷人)嘅嘢,話呢啲唔正常,寧願無生過我」,她唯有搬到 Krystal 家。Krystal 為此反覆思量,「佢父母嘅反應似係呢世都唔會接受,我有叫過佢試下同返男仔一齊,滿足吓佢哋」,但阿寶堅拒放棄,「我覺得我無做錯,如果順應咗佢哋,我一定會後悔」。

沒有父母的婚禮

Krystal 的父母相當恩愛,也非常支持她,對阿寶視如己出,因此 Krystal 對婚姻有憧憬,「我覺得係一個承諾,你愛嗰個人,就會想同佢有樣實質嘅嘢,存在過喺呢個世界」。去年底兩口子決定踏進人生下一階段,「我哋喺疫情下認識,用返網上形式證婚,好似仲有意義」。

交往一年多後,阿寶於主題樂園向Krystal求婚。(受訪者提供圖片)
交往一年多後,阿寶於主題樂園向Krystal求婚。(受訪者提供圖片)
Krystal與阿寶重回初次約會地點,在觀塘海濱拍攝婚照。(受訪者提供圖片)
Krystal與阿寶重回初次約會地點,在觀塘海濱拍攝婚照。(受訪者提供圖片)

婚禮當日,Krystal 的父母及親戚均有到場,阿寶只邀請了最要好的朋友,「家人仲未知我結咗婚」。有說話想對家人說嗎?「我知佢哋愛我,但愛有好多種表達方式,我希望支持同包容會係其中一種」。

在交友程式中遇上終身伴侶,兩口子都笑言像奇蹟。她倆不會輕易叫人「出櫃」,但必須愛得無悔,「唔使介意自己鍾意男定女,無論咩人就放膽去愛,人生係你嘅,要為自己負責,唔係去迎合人哋」。

兩人指,婚姻是給予對方的重要承諾。
兩人指,婚姻是給予對方的重要承諾。
還有甚麼說話送給對方?Krystal先開口:「唔好介意自己性別,你就係你,以後我都唔會搵到一個我咁愛嘅人。」阿寶:「我知你會令我變得更加好,期待你之後有更多法寶,陪我繼續成長」。(受訪者提供圖片)
還有甚麼說話送給對方?Krystal先開口:「唔好介意自己性別,你就係你,以後我都唔會搵到一個我咁愛嘅人。」阿寶:「我知你會令我變得更加好,期待你之後有更多法寶,陪我繼續成長」。(受訪者提供圖片)

【Yahoo 新聞 LGBTQ 系列報道・逢星期二、四推出】

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能