瘋傳51歲王菲為謝霆鋒生子 真係有圖有真相?

瘋傳51歲王菲為謝霆鋒生子 真係有圖有真相?

天后王菲同謝霆鋒復合7年,二人低調談情高調各有各玩,早前就傳過又分手,不過佢哋今年四月時世紀再拖手,即時令「分訊」破滅。不過最近傳聞愈傳愈誇張,近日竟喺內地瘋傳現年51歲嘅王菲為謝霆鋒生子,更早於6月初就已經分娩,消息令人震驚!

網上指早於6月9日當日,王菲就為霆鋒喺香港誕下兒子,流傳版本更指霆鋒更激動地表示:「我終於有一個完整的家了!」為咗增加「可信性」,網上更傳出產房照,相中見到一位虛弱產婦瞓喺床上,周圍環境一般,唔少網友都質疑歌后王菲唔會喺咁普通嘅環境下生子,而且相片畫質模糊,根本睇唔清相中人係唔係王菲,因此好多網友都當係笑話一則。