眼神控煙 ⎮ 盧寵茂：餐廳有人攞支煙出來 全場人睥住佢！

立法會衞生事務委員會今早（14日）討論控煙措施，選委會議員陳永光質疑，落實控煙法例有困難，當局會否考慮利用閉路電視或市民提供影片舉證。醫務衞生局局長盧寵茂回應稱，希望大眾可以共建一種「控煙文化」，並舉例指：「有個人喺個餐廳度攞支煙仔出來，全場所有人睥住佢！」

政府正就控煙措施進行公眾諮詢，立法會今早進行討論。陳永光指出，即使控煙政策點如何完善，如果執行上未能落實到位，也難以達到理想的控煙效果。他說：「而家成日都見到吸煙人士喺禁煙區吸煙，大部分市民怕惹事上身，會選擇避讓同埋啞忍，就算有市民夠膽去舉報，執法人員亦都好難喺短時間到場執法。」他問，當局會否考慮使用閉路電視片段或市民提供影片舉證。

「高質素社會需要整體市民共建文化」

盧寵茂回應時承認，執法人員未必能恒常在禁煙場所度執法，執法人員接獲舉報後抵達現場時，違法嘅行為已經停止。他說：「我想強調我哋會去完善執法過程，但係一個高質素嘅社會，其實好多時一啲行為，係需要整體市民大家去共建一種文化嘅。」

他以巴士站排隊為例說：「喺個巴士站度排隊呢樣嘢，唔會有警察去到用法律規管話你一定要排隊嘅，但係我哋嘅社會能夠建立到一個文化，就係搭巴士應該守規矩，大家排隊。」他續說，當局加強執法的同時，也希望社會共建一個「控煙文化」。

盧寵茂進一步闡述說：「煙仔係破壞我哋每一個人嘅健康，我哋所有人喺公共場所，如果遇到呢啲，就算我哋真係未必可以即時有執法人員來，講得粗俗少少，大家睥住佢；有個人喺個餐廳度攞支煙仔出來，全場所有人睥住佢，我唔相信咁樣會一個打咁多個，睥住你啫下話。」

政府本周三（12日）推出控煙策略公眾諮詢，提出免除二手煙禍害等願景，並建議加強管制香煙供應及吸煙行為，包括擴大禁煙場所範圍，提高違例吸煙罰則等等。