瞓身唔怕遲 張美妮

同事甲話：「喂，有冇睇《瘋狂歷史補習社》？睇張美妮做武則天啦！好爆！」事隔數周，同事乙稱：「我老公話我好似《心路GPS》入面個張美妮，又惡又鬧奶奶。」是次訪問成事，跟同事甲乙的評語大有關連。當事人聞言笑說：「哈哈！兩個都係我瞓身0既演出0黎0架，幫我多謝你0既同事。」說瞓身演出，快三十三歲的張美妮自稱已遲了很多年才開竅，「以前唔夠努力；0依家發力，唔係代表我要做女主角，我知我唔係，但我都要對得起自己，同一路支持我0既人。」張媽媽這天跟女兒一同「上陣」，看著張美妮瞓身、企高擺甫，笑得欣慰。其實瞓身，跟有心相同，遲好過冇，你睇到啦！ 明星夢 「我細個就諗住做演員，表演慾好強，自細就發明星夢0架0勒！哈哈！」張美妮說時，一看同行的張媽媽，「媽咪呵？媽咪話我幾歲就0係屋企跳『Why？Why？Tell me why』（梅艷芳名曲〈壞女孩〉），所以到F.5畢業前，我已經諗緊入行0既方法。」 九十年代未有0靚模存在，「香港小姐」是入行最快途徑，但張美妮選了另一條路。「要著三點式0係台上畀人評頭品足，我接受唔到。咁0岩0個時香港導演協會搞0左個藝訓班，課程有廿堂左右，要成一萬蚊學費。我返屋企同媽咪、爹0地講，佢0地都好快畀錢我去上堂。 「上到尾0個幾堂，我又睇到TVB藝訓班招生，於是又去面試。」 那一年是九九年，無綫第十三期藝員訓練班，張美妮的同學，有林峯、楊怡。起步時，張美妮未畢業便被挑選入《閃電傳真機》任主持；到同學們拍劇起飛時，她就在《娛樂大搜查》、《東張西望》，或一些旅遊節目任主持。 「我同阿怡、阿峯都好friend，特別係阿怡，我同佢，仲有傅楚卉，係三劍俠，到0依家都有定期見面，感情冇變。 「0個時0既主持工作，幫我搵多0左好多額外0既司儀同代言工作，呢筆錢可以幫到我負擔屋企0既開支，拍劇有名，但搵唔到咁多錢。」 豁出去 直至○九年，《東張西望》換血，張美妮有三個月無工開，「0個時都好徬徨，我由爆騷王變0左under騷，爭公司成六十個騷。當時有監製打畀我，話我知《Only You只有你》有個角色，係reception過場0既，佢仲叫我唔好介意。人0地係監製冇必要理我感受，況且我冇得介意啦！」 那位監製是王心慰，後來還加了一條感情線給張美妮，「哈哈！監製對我好好，之後《衝吧！瘦薪兵團》都搵番我做，角色仲幾多戲添。0個一刻我諗，要攞個心出0黎。 「之前自己就好似打工仔心態，做0左件事就算，好似做《日日有食神》0個時咁，我睇『高登』同一0的討論區，好多都話我把聲又高又搶0野講，其實做0既時候，我只係諗住講完就算，根本冇用過心。 「到拍劇，做活動布景板，做到休息0既時候，喊住打畀男朋友呻，佢會話：『唔好做啦！我養你啦！』，我唔係諗住唔做，但係一聽到佢呢句，我又有番力量咁，收線就繼續做。0個時得屋企人同男朋友知道我咁唔開心，成件事過晒，阿怡佢0地先知。」 越過低谷，張美妮再遇機會，便用心把握，「我0係錄《玩轉３周半》0既時候，學識豁出去0既，搞笑一定要啦！做戲都係，所以0係《瘋狂歷史補習社》我不停叫自己豁出去。」 屋企人 拍拖九年的髮型師男友KK，是張美妮豁出去的支持者之一，一提男友，她笑得特別甜，「哈哈！0係事業上我已經主動0左，著得性感少少，都OK吖。男友話sexy得靚就得，加埋努力，我知自己唔係女主角材料，但都唔係nobody。 「感情上就……哈哈！我諗呢一、兩年都會結婚0勒！」 男友以外，張美妮的最給力粉絲，非父母妹妹莫屬，「入行十四年，屋企人真係好支持我……（感觸落淚）唔係因為畀一萬蚊我去上堂咁小事，爹0地0依家仲幫我儲剪報，屋企有一個好厚0既file。我諗冇佢0地，我唔可以咁樣發明星夢。」 話畢，張美妮再看著張媽媽，「哎呀！我媽咪知道我咁眼淺0架。多謝你呀媽咪。」 簡單一句，已勝過萬語千言。 中學時期拍的沙龍照，是九十年代的集體回憶。 小時候的張美妮，表演慾特強。 《心路GPS》的惡家嫂（左圖）及《瘋狂歷史補習社》的武則天（右圖），是張美妮於一三年首三個月的代表作。 張美妮沒有工作的日子，男友KK買了一隻狗代他時刻陪她，她給牠改名「叻叻」。 九九年 林峯 揚明 徐榮 張美妮 楊怡 傅楚卉 ○八年 「三劍俠」楊怡、張美妮和傅楚卉，九九年為同學，○八年一同慶祝張的生日，一三年仍時有聚頭。 PS I LOVE YOU 張美妮的專業，並不局限在豁出去，亦在於幫忙考慮相片效果，「我對腳（腿）唔係白滑0個0的，你會幫我PS0既呵？」電腦科技發展的偉大，區區PS（photoshop）絕非難題。 PS另一解釋，是postscript，即附註，與P.S.相通。看著監場的張媽媽與女兒同行的背影，任photoshop如何偉大，親情也非加工可代勞。 張美妮目前的「娘家」全家福，張父（前排左）本經營餐廳，因「沙士」結業後現仍在餐飲界服務，張妹及妹夫（後排中及右）也對她予以支持。