【第七粒寶石喺呢度】家燕姐化身十字步女俠網民勁like

超級英雄電影《復仇者聯盟3：無限之戰》上映至今成為全城熱門話題，觀眾熱烈討論未來個故事發展之餘同埋諗緊剩低嘅無限寶石究竟喺邊度呢？！網絡紅人「瓊姐」笑指第七粒寶石喺家燕姐度，即係佢粒額前大痣。

去到噚日，突然有最新超級英雄角色登場！佢就係風靡全城嘅【Captain Nancy 十字步女俠】－ 薛家燕。不過佢唔係Marvel Studios嘅角色，而係Mother Studios。

向來玩得嘅家燕姐上載咗宣傳海報，圖中家燕姐手持盾牌，額上有寶石發出死光，勁有氣勢。家燕姐仲話：

佢仲話下集見 仲hash tag#Avengers 4。唔知下一集係唔係十字步女俠迎戰 Thanos呢？

消息一出立刻引來網民騷動，有觀眾建議家燕姐用佢嘅絕招十字步聯同汪亞姐嘅魔音對付Thano，仲話一定打得贏。

家燕姐真係好勁啊！出post唔使一日就成功吸到3萬幾個like同5千幾個分享，再一次證明識順勢抽水的重要性。

網民留言：
「宇宙嘅和平，就交畀你啦！」
「家燕姐我想同你狂跳十字步！」
「家燕媽媽好識玩！」
「家燕姐你真係好得意好鬼馬」
「用十字步征服宇宙」
「我最期待的畫面.jpg」