第二位港產女優Alice Wong為照顧囝囝下海 曾遭前夫辱罵反擊：無作奸犯科害人問心無愧

Alice Wong（王籽）為香港第二位AV女優，早前到台灣拍攝嘅無格仔AV亦已面世，不過評價就未如香港首位AV女優素海霖（絵麗奈）；素海霖雖然出道作被指身材肥胖、上圍無海報咁豐滿，但Alice Wong嘅負評仲多，唔少網民都表示佢皮膚黃又有紋身，臀部更加有唔少黑印，直指睇到唔開胃。Alice Wong就曾出PO細訴遇到負評嘅心情：「關於片中我會聽會改，肥可以減，撻撻我會整，其他嘅廢話就只會做自己。」

近日，Alice Wong接受媒體訪問時透露自己身世。22歲Alice Wong表示自細於高壓家庭成長，父母對佢又打又鬧，甚至鬧佢係「雞」，所以令佢決心要紅改善生活狀況，更加抱有「冇錢就萬萬不能」嘅心態。Alice Wong曾經有過一段婚姻；18歲認識前夫並誕下兒子，一家三口住喺父母家中；前夫更加嫌棄佢產後身材走樣及無能力搵錢。Alice Wong表示二人結婚3年便離婚，結婚期間前夫每月只畀4、5千元家用，離婚後亦無畀贍養費，囝囝嘅學費僅負責十分一，於是佢曾任職售貨員、飲食業、硬照模特兒賺錢，試過每日僅睡4小時，又無時間陪囝囝，捱咗一年就決定全職做模特兒及影相，直至喺機緣巧合下認識一位台灣拍攝大尺度照片嘅攝影師，再經介紹之下去台灣拍AV。至於囝囝長大後，Alice Wong表示都唔介意話畀佢知自己曾為生計影性感相、拍成人片。縱然前夫曾喺知道佢拍AV後有打電話鬧佢，但佢認為前夫無資格鬧自己。Alice Wong更於IG坦言好多日本AV女優背後都有故事，自己嘅環境激發咗佢去做，想透過拍AV改善生活，做自己想做嘅野搵錢，無作奸犯科害人問心無愧：「我有用手用腳打幾分正常工都唔夠，點解會覺得AV係衰嘢，都係一個行業，仲有拍AV都係用手用腳都係辛苦搵錢，係失業同待業期間得到拍AV（自己想做嘅嘢）機會想創一番事業。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！