「糭」要健康一點 2023健康主題端午糭推介

端午節就到又係食糭嘅時間喇！好多人對糭嘅印象都係油膩同好滯，但其實坊間都有唔少主打健康嘅糭選擇，啱晒想食得健康啲嘅朋友仔～

廿年陳皮紅豆沙文冬薑糉 大師姐

以裹蒸糉及選用養生食材作主打嘅品牌，今年推出全新「廿年陳皮紅豆沙文冬薑糉」，呢款甜糭用廿年陳皮做豆沙餡，糯米更以馬來西亞名物文冬薑及黑糖醃製，入口帶陣陣陳皮甘香，微甜而且暖胃有益。

香宮亞洲風味禮盒 香宮

呢個亞洲風味禮盒送禮一流，有6款富節日特色亞洲風味糉，包括金栗煙鴨胸糉、蟲草花辣肉腸糉、黑蒜牛肝菌雞肉糉、紫薯梘水糉、桂花紅豆糉及圓肉紅棗梘水糉， 蟲草花辣肉腸糉惹味有口感，更有增強免疫力功效；黑蒜牛肝菌雞肉糉，牛肝菌同雞肉營養都好豐富。

三色有機養生糭 帝港集團

呢款三色有機養生糭都係素糭嚟，各有特色。羊肚菌金栗新豬肉糭選用Omnipork新豬肉代替傳統豬肉，滿滿蛋白質，配上羊肚菌嘅濃郁香味及香甜金栗，增添口感。陳皮南瓜籽豆沙糭同玫瑰雲豆冬茸糭都係新味，前者含有豐富礦物質及維他命，香滑清甜；後者有陣陣玫瑰香氣，同樣充滿營養。

至尊養生牛肝菌五色豆素糭 富豪酒店

選用法國盛產嘅優質牛肝菌，呢種牛肝菌會散發獨特嘅甘香，餘韻悠長，廚師再加入黃豆、綠豆邊、紅腰豆、眉豆及黑豆，含豐富膳食纖維、蛋白質及多種營養成分，口感豐富，啱晒愛好養生同素食人士。

舞茸雜菌素糭 奇華餅家

呢款舞茸雜菌素糭，將糯米加入甘栗、高纖高蛋白嘅秘魯三色藜麥，再加埋有血管清道夫之稱嘅舞茸及猴頭菇，以及其他素食餡料如香菇、草菇、雲耳等，高纖低脂，富含多種維生素、礦物質及蛋白質，口感既清爽又豐富。

養生五穀豚肉糭 鴻福堂

新推出嘅養生五穀豚肉糭，將多種健康穀物如燕麥、蕎麥、紅豆、薏米、小麥、糙米，混合煙韌嘅 黑白糯米中，加埋頂級豚肉及鹹蛋黃增添微微嘅油香同鹹香，健康又好味！

文: Yanica