素海霖密友活動陪做7大項目 4位數報名費被網民嫌貴 親回應反擊：絕對值得

素海霖（繪麗奈）為首位香港投身日本AV產業嘅女優，出道以來備受關注，所拍嘅作品亦被網民指愈拍愈進步。雖然久久未有新作品，Patreon又暫停埋，呢段時間佢就為安全套品牌擔任代言人，積極經營YouTube頻道和社交平台，仲大搞IG每月699港元密友會員制度，以及密友活動。上月，素海霖宣傳自己即將於9月或10月舉行密友活動，只要係密友會員或直接付費即可陪做7個項目，但就遭網民嫌貴；結果，素海霖親自回覆留言反擊對方。

素海霖去年推出月費699港元密友會員制度，可享每日私密密友story更新、聊天、間中錄音對話、深度交流、密友活動及購買產品優先權等多項福。素海霖去年9月和今年3月都分別舉辦過密友活動，內容係午餐聚會及Lunch K，亦為指定生日月份嘅密友慶生。素海霖上月宣布再推出密友活動，表示參與六個月嘅密友或直接預付$4,014港元，即可免費參與，亦提醒大家密友活動進行期間唔可以拍攝，活動包括150分鐘合照環節、一分鐘特別服飾攝影（特別服飾限定）、午餐或晚餐、慶生環節、抽獎、遊戲活動及唱K，只限10人以內參加，8月28日前截止報名。

有網民留言指素海霖收費貴，素海霖即還擊指值得呢個價錢：「還可以吧，我在方方面都有付出同努力，所以絕對值得」，續指：「你自己都有條數計，當合照有兩張，都179+179，午餐或者夜晚，係我自己拎錢出嚟請大家食，你預$300 1個，唱K嗰啲，租party Room都要$250一個人，仲有攝影1分鐘，都要$500，仲要你係join就六個月就免費參加，呢六個月係可以無限同我傾偈，每日都有story睇，真係唔明有咩貴？」該網民又再留言表示自己真係冇乜興趣買Plan，素海霖回覆指只係想答返對方價錢合理：「咁你冇興趣咪直接話冇興趣囉，其實都冇人特登問你，你係咪諗多咗？只不過你係話貴，我答返你其實係唔貴」。

素海霖為宣傳密友活動，曾於限時動態分享兩件一分鐘特別服飾攝影嘅裝束畀網民選擇，又曾PO出一張只用布條遮掩下身嘅全裸照，不過照片已被刪除亦令其IG帳戶被封鎖，佢就喺另一帳號發文︰「主acc又被檢舉，太靚唔抵得呀？真無聊的你們。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！