[絕世好姐姐]馮盈盈為患病細佬修讀營養學

有「爆粗港姐」之稱嘅馮盈盈除咗靚女之外,仲俾到人一種樂天、真性情、有個句講個句嘅感覺。但原來佢除咗有外在美,更有內在美,仲十分愛錫弟弟。

馮盈盈係香港大學食物及營養學嘅畢業生,原來佢當初修讀食物及營養學系係為咗細佢四年嘅弟弟。因為弟弟兩歲開始就患有慢性腎炎,飲食上需要特別留意,弟弟情況嚴重時只可以吃清菜及白烚肉,不可以食含高鹽、高糖、高鈉嘅食物,佢更長期不能外出用膳。

馮盈盈話作為家姐,見到細佬有病好心痛,所以立志入讀營養學系,成為註冊營養師,料理弟弟及家人飲食。其實馮盈盈當年參選港姐時最後嘅拉票環節中都有提及過弟弟嘅病情,仲喊到收唔到聲,最後以親情牌感動評審贏得冠軍。

雖然而家弟弟病情得已控制,飲食上都唔洗節制得咁辛苦。不過馮盈盈咁愛錫家人,家庭觀念咁重,令一班網民愈來愈欣賞佢。