網友集氣催婚！ 拍拖4年 Sweet爆為曾國祥慶生 王敏奕：「I Love you more than I Love rice」

曾志偉兒子曾國祥同女友王敏奕拍拖多年、感情穩定，雖然兩人年紀相距12年，但依然無阻感情發展，一日Sweet過一日。兩人經常會喺社交網站放閃，而11月8號喺曾國祥39歲牛一呢日更係閃到爆！王敏奕於Intagram分享兩人撐枱腳合照，更發表愛的宣言，網友都睇唔過眼紛紛留言催婚，集氣希望佢地快快拉埋天窗，做對娛樂圈金童玉女。

王敏奕同曾國祥拍拖多年，兩口子早已展開同居試婚生活，看來就沒有「相見好、同住難」的問題，仲未拉埋天窗，可能只欠男方求婚呢一步。

曾國祥係家中長子，細佬曾國猷早於2012年已經爬頭結婚。1979年出世，明年將要迎接「4」字頭的曾國祥都係時候要計劃成家立室。

女神級數的王敏奕內、外在美兼備，絕對是娶得過嘅好女仔。

深得未來老爺歡心

王敏奕深得「未來老爺」 曾志偉歡心。除咗「未來老爺」生日時會孖住男友曾國祥現身賀壽之外，王敏奕更會參加曾家的年度大旅行。

未同曾國祥打埋天窗，似乎都有半隻腳入咗「曾」家門啦！

形象健康零緋聞

王敏奕出道之今近乎零緋聞，就算之前拍電視劇《飛虎之潛行極戰》日日同一班男拍檔開工，男友都相當放心。

王敏奕入行多時，演的都是情純少女、女學生角色居多，形象健康，絕對符合男人「娶妻求淑女」呢個標準。

入得廚房出得廳堂

俗語有云「要俘虜男人嘅心，就先要箍住佢個胃」，王敏奕正正做得到。佢煮藝有返咁上下，早前更膽粗粗上《美女廚房》 接受廚藝挑戰，而且仲做埋美女廚神，做佢另一半唔只幸福，仲有口福。

孝順顧家

單親家庭長大嘅王敏奕讀書時期已經做part time model 幫手養家，減輕媽咪負擔，名副其實嘅孝順女一名。身為長女嘅佢對兩個細佬更係照顧有加，相當有潛質做個好媽媽 。

曾國祥同女友王敏奕Sweet到漏，羨煞旁人，近年屢傳婚訊，大家都希望他們快啲有好消息公布。

推薦閱讀:

➤ 王敏奕：以行動實踐演藝夢

➤ 王敏奕帥氣女飛虎 VS 私下學生妹女神清純穿搭

➤ 學生妹變女飛虎！王敏奕睇得打得不靠男人：我要忙過曾國祥！

Follow us on:

• Facebook: CosmoHK

• Instagram: @cosmopolitan_hk

• YouTube: CosmopolitanHK