網民喺便利店捕獲kayan9896 獲本尊回覆「影得我咁醜」

現年25歲嘅kayan9896（吳家忻）因參與頻道「試當真」演出而爆紅，除咗成為時尚品牌新寵兒之外，更以歌手身份進軍樂壇。近日有網民喺便利店野生捕獲佢，事後仲喺Threads出PO上載kayan嘅照片，獲得本尊親自回覆。

近日有網民喺便利店成功野生捕獲kayan，並喺Threads出PO，除咗上載捕獲kayan嘅照片外，仲留言話：「我係7仔見到明星點算好」，之後仲tag埋佢，結果獲得得本尊親自回覆：「下次見到我同我打招呼嘛～ 同埋影得我咁醜(♯｀∧´)！」，而該網民亦回覆：「對唔住本尊，原來銅鑼灣7-Eleven嗰個真係你！下次我唔怕羞，希望能夠同你合照」。

唔少網民都認為該網民影到kayan對腳超短，完全認唔到係佢，留言話「黑圖啊 影到1米3咁」、「我以為賓妹」、「點解曬到咁黑既」、「影到成個賓賓咁」、「影到對腳超短」、「蘋果照妖鏡又再現人間」、「唔係醜，係影得太短」、「小矮人咁」及「哇 真系現實與幻想 完全認唔到」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！