網紅Sean Lam連環出Story大爆張致恒周圍問朋友借錢 理由五花八門咩都有
張致恒(Steven)同雯雯(區燕雯)喺2019年奉子成婚,不過二人屢次傳出離婚消息,被網民指係「離婚界KOL」。 較早前雯雯先數臭老公,再宣佈懷有第四胎,兼且BB仲要快將出世。雯雯為咗解決經濟上嘅燃眉之急,不惜開設新IG帳戶兼會員制,每月收費為50港幣,不過之後佢又宣布取消會員制及安排退款。去到噚日(15日),雯雯疑似離家出走,喺IG限時動態上載一張佢大住個肚拎喼嘅照片,並寫:「我要冷靜幾個鐘」。
早前雯雯喺IG開設新帳戶兼設會員制,當時富二代兼網紅Sean Lam就被拒諸門外,雯雯唔單止拒絕其贊助,仲封鎖對方賬戶兼去對方直播踩場。近日Sean Lam喺IG連環公開Steven周圍問人借錢嘅語音及訊息截圖,而佢嘅借錢理由更係五花八門,例如「為工人籌集醫藥費」、「我今日啲小朋友無飯食,您可唔可以借500蚊比我」、「借住幾百蚊嚟搭車先啦!」、「啲錢用曬嚟買個嗰啲袋,最尾唔夠錢買尿片」及急需借一萬,如果唔係老婆就要肉償等等。唔止借錢,Sean Lam更上載一張聲稱係Steven及雯雯嘅對話內容截圖,圖中雯雯指被Steven逼到發癲,及質問7千蚊嘅由來。
另外,Sean Lam更指Steven因北上發展,而欠下廣州經理人公司30萬,仲話原本佢喺今年4月有job,不過佢竟然臨時放飛機,要經理人嚟香港迫佢出門。雯雯早前宣布取消會員制及安排退款,不過Sean Lam就大爆雯雯要求網民付款,否則會被取消追蹤。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!