羅子溢拍浸浴戲 似冇着底褲

東方日報
·1 分鐘文章
洪永城(左)與羅子溢於劇中奉旨晒肌。
洪永城(左)與羅子溢於劇中奉旨晒肌。

羅子溢於無綫劇《陀槍師姐2021》飾演「社團大佬」洪永城手下,獲賞識並接管桑拿浴室,其中幾場戲2人「肉帛相見」,子溢再次奉旨晒42吋胸肌,吸睛非常!他說:「劇入面起初我同洪永城感情好好,劇組包咗成個桑拿浴室拍攝,為求營造真實感覺,就畀咗超透薄底(內褲)我哋着,着咗同冇着分別不大。我本身未去過桑拿浴室,今次咪當參觀吓囉。」劇中子溢與宣萱的關係微妙,有內地網民推測他們將發展感情,他笑言令大家失望:「觀眾真係諗多咗,我成套劇可以話冇感情線,最多只係暗戀鄧佩儀咋。」

另外,洪永城經常獲女友鼓勵多做運動,豈料近日有報道寫成「洪永城獲女友鞭策下體能提升」,不少網民相當關心其「下體」狀況,他於社交網搞笑澄清:「你哋唔好message關心我『細佬』喇,佢好好呀!」