胡定欣大突破 思貝狂操迎戰

無綫、邵氏同時開拍以ICAC為題材的新劇，分別找來上屆視后蔡思貝及兩屆視后胡定欣擔演，定欣指角色是從影以來最難處理的一個，嚴重到睇完劇本會失眠、開不到聲。思貝則指劇中多跑戲，要勤操練免抽筋。

無綫以ICAC為題材的劇集「鬧雙胞」，先是昨日有造型活動，由袁偉豪、蔡思貝擔演的《廉政行動2022》，另一邊廂，據知6月底邵氏亦會集合視后、視帝胡定欣、王浩信、黃宗澤、吳卓羲及黃智雯等開拍新劇《廉政狙擊》。

定欣於劇中演黃宗澤的家姐，受訪時坦言今次角色是她入行以來最「啃」的一次，她說：「角色背景相當複雜，睇完劇本瞓唔着，出唔到聲，我都唔識點形容，總之好突破，係要用『啃』嚟形容。（要做黃宗澤家姐會否接受唔到？）佢係咪使咗橫手呀！哈哈！」至於思貝昨日出席造型時笑謂劇中有她最擅長的追逐戲，開場就要在街頭奔跑，不過也擔心天氣太熱，加上近期體能並非處於最佳狀態，怕未能跑得瀟灑，更擔心會抽筋，故事前會操練一番。

黃宗澤做定欣細佬

做慣勇探飛虎的黃宗澤，今次改做ICAC，他笑言：「我好多年冇同定欣合作，今次佢仲做我家姐！真實年齡我好似大佢少少，不過唔緊要，我哋演技搭夠o架嘛！今次定欣個角色係好好睇，好勁揪！我不知幾恨做佢個角色，會好好玩。」而吳卓羲今次不用再演警察，鮮有的飾演一個亦正亦邪的角色，會與黃智雯有感情線。

至於浩信在《廉政狙擊》中飾演警員，故有很多動作場口，雖然現時他正為電影拍攝，但都不時抽空操練，為之後的打鬥及剝衫場面作準備。