自嘲低能冇話題 阿Sa劉青雲共患難 關係大躍進

劉青雲與阿Sa再度合作,默契更勝從前。
劉青雲與阿Sa再度合作,默契更勝從前。

劉青雲與蔡卓妍(阿Sa)曾合作不少電影,阿Sa坦言以前跟對方合作,可能被嫌「低能」,故雙方話題不多。2人於英皇新片有不少危險場面,猶如共度患難,關係大躍進!

由韋家輝執導、劉青雲、阿Sa與林峯等合演的英皇電影《神探大戰》,定於7月21日在香港上映。由無綫神劇《大時代》開始,韋家輝與青雲已成為夢幻組合。韋家輝透露編寫《神探大戰》劇本時,腦海中認定青雲是男主角。而青雲憶述當日獲韋家輝邀約:「佢話想拍一個關於《神探大戰》嘅故事,問我拍唔拍、想唔想同佢合作?我答『想』,就係咁樣!」

青雲與阿Sa曾合作多部電影,對於今次「重聚」,阿Sa坦言感覺非常不同:「之前同青雲合作都係喜劇,今次非常唔同。以前自己比較年輕,同佢嘅話題唔算太多,可能佢覺得我低低能能。但今次成套戲非常緊湊,唔係飛車就係跌落樓,全部好似玩極限運動,所以感覺變咗大家一齊共患難!」

祖兒探班見偶像

而林峯很開心跟青雲合作:「未開拍前,青雲哥已經不停『袋嘢』畀我,因為我首次嘗試呢種角色,內心好興奮,但多多少少都好緊張,而且我又未同韋導演合作過,但青雲同我講:『唔好諗太多,總之導演話乜,你照住做就可以。』正式開工時,林峯覺得韋家輝非常有親和力,故很快專注演出。

另外,阿Sa於社交網透露獲好姊妹容祖兒到片場探班,但原來醉翁之意不在酒,其實祖兒想見偶像青雲,期間面紅兼口窒,超級天后變小粉絲,相當搞笑。

林峯與青雲鬥戲,獲益良多。
林峯與青雲鬥戲,獲益良多。
阿Sa爆祖兒專程到片場見青雲。
阿Sa爆祖兒專程到片場見青雲。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能