自稱微辣阿晶生前情緒病友 阿丞突然大爆發放負︰全部係我做架
微辣前經理人阿晶逝世近一個月,由於阿晶生前受情緒病困擾,加上透露受欺凌,唔少網民都認為微辣要對阿晶出事負責而涉及「喊喊相事件」嘅微辣多位成員都成為眾矢之的。而其中一位成員阿丞(江流)發文澄清話當日佢只係被拍,並透露「同阿晶也許不是知心朋友,彼此間來往也沒有其他人那麼密,但我們有層特別關係,我們都是病友」。阿丞自揭自己都有情緒病,因此同阿晶會時不時問候病況。
不過事隔幾個禮拜,阿丞突然喺IG POST一段相當晦氣嘅說話,聲稱「我係diss阿晶」(抵譭),又話「全部係我做架」、「個個都想我死」、「但我只要係微辣做就係死罪」。
網民對於阿丞突然「大爆發」原因眾說紛紜,有人擔心阿丞係咪情緒波動出post發洩,亦有人發現前晚有討論區帖文提到,微辣一條舊片製作組要求阿丞rap英文詞,而歌詞有抵譭阿晶之嫌,令阿丞出post回應。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!