苗僑偉兒子被指未有遺傳父母外形優勢 意外撞樣《愛回家》「風少」？

苗僑偉（三哥）為圈中型男代表之一，縱然已年屆66歲，但其魅力不輸一眾小生；苗僑偉與太太戚美珍亦被封圈中模範夫婦，二人育有一對子女，近年定居加拿大，享受半退休生活，有工作才會返港或到內地。苗僑偉女兒苗彤原任職攝影師，於近年轉型做演員，並經常於社交平台晒靚相派福利，被指樣靚身材正；不過苗僑偉兒子苗俊就被指僅遺爸爸高大身形，未有遺傳到其型男樣貌。近日，就有網民於小紅書貼出苗僑偉與苗俊嘅照片作對比，苗俊嘅外貌同樣未得到網民歡心。

苗俊畢業於加拿大大學，之後就選擇留喺溫哥華發展，任職平面設計師，曾於2020年為國際品牌半裸上陣拍攝內褲廣告，不過當時就被網民嫌棄未有遺傳爸爸良好基因。日前，有網民於小紅書分享苗僑偉與苗俊照片，指兩父子相貌差異太大：「爸爸玉樹臨風瀟灑英俊，兒子相貌平平行同路人」，唔少網民都同意樓主嘅形容，更詢問係咪真係兩父子：「苗確定沒報錯孩子」、「天啊，一點都沒有遺傳到苗僑偉的五官啊」、「你爸苗僑偉，你媽是戚美珍啊，為什麼這是為什麼！」、「這是一點光都沒沾到」等等。有網民更留言指覺得苗俊個樣有啲似於TVB劇集《愛·回家之開心速遞》飾演「風少」嘅陳浚霆，又有唔少網民指出，覺得好多星二代都遺傳唔到父母外形上嘅優良基因，包括馬德鐘兒子馬在驤、王敏德兒子王躍穎。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！