莊思敏批評身形辣(興)女星

東方日報
·2 分鐘文章
莊思敏主持《姊妹淘》多年,獲益良多。
莊思敏主持《姊妹淘》多年,獲益良多。

藝人莊思敏是《姊妹淘》元老級主持,她自爆初期試過因間接批評現場女嘉賓的身形而令對方不悅,當場黑面,現時學懂收斂及察言觀色,避免再開罪人。

提起莊思敏(Jacquelin)就會想起潮流節目《姊妹淘》,由首集至今,她做足9年。她笑言現時節目愈來愈多主持,且個個都非常纖瘦,令她甚有壓力:「因為我比較高大,感覺好大隻,經常畀人話我個頭太大,我一肥就肥塊面,但減肥最後先瘦面。」

回顧過去,Jacquelin稱最初曾試過因說話太直而得罪嘉賓:「我同雨僑最初個作風都比較大膽,因為我哋唔係主持人出身,所以乜都問乜都講,而令到嘉賓唔開心。有次我哋研究Leggings呢個話題,我哋講到有咩人係唔適合着,跟住就話個嘉賓咁嘅身形就唔啱着喇!當刻已經感覺到對方有啲黑面,而事後佢都有反映,話我哋咁講嘢會令到佢唔舒服。我哋同呢個女藝人唔熟,加上當時大家講得太興奮,所以冇為意。」她表示後來主力介紹化妝扮靚,少討論個人打扮風格,避免踩地雷,她笑說:「經過9年嘅訓練,至少識得睇人眉頭眼額,知道人哋咩樣係代表唔鍾意。」

直播帶貨吸金

除了主持技巧進步不小,她亦開心能透過節目認識到不少人:「包括玄學家、設計師、化妝師等等,有啲人平時唔熟,都因為節目而熟咗,我又可以免費問玄學家風水問題。(有冇貼中你會閃婚?)都有,好多都話我係會閃婚嘅類型。」又指因節目帶挈令其扮靚達人的形象深入民心,所以有不少美容護膚產品找她直播帶貨。