葡萄友：女人今天活得快樂 唔多唔少要多謝前度

唐詩詠前晚就同洪永城以情侶檔身份去參加倒數活動，如沐春風相當之有精神，但原來同唐詩拍過拖4年嘅崔建邦日前係接受訪問時就回憶番自己嘅大起大跌。崔加入大台之後上位速度驚人，係06年期間幾乎日日都見到佢係熒光幕上，而且仲有份主持台慶同港姐呢類大show。但係人一得志起嚟就容易囂張，生活變得揮霍同經常夜蒲偷食，但當時唐詩詠就一直盲目咁支持佢，即使後來崔因為打女友及失勢跌落谷底後亦都有陪過崔，而家仲覺得佢「係個堅強嘅人，係經歷後有所啓發，希望佢以後識得把握人生⋯⋯」，認真大方同胸襟廣闊。

而家嘅康詩詠當然就過得相當開心，但佢曾經就明知前面係一個陷阱都仲要行埋去，真係可形容為死心塌地，你身邊又有無朋友試過盲目咁撼頭埋牆，勸極都唔聽？

期待浪子回頭
女仔係潛意識中都會幻想過、希冀過對方有一朝會玩夠，突然間醒覺然後乖乖番黎自己身邊，但試問成功例子又有幾多？

害怕單身
習慣咗一段感情同有一個伴侶後，你叫佢突然去斬纜回復單身係需要莫大嘅勇氣，唔係人人都做得到，至少係未搵到下個好著落之前。

愛得太深
女仔認定一個伴侶嘅時候，好多時就會投放好多感情落去，明知對方有錯但要叫佢放棄一段幾年嘅感情，就總係會唔捨得，最後就愈拖拉愈傷愈痛。

男方魅力
男人嘅魅力有時真係好似一舊無形嘅磁石咁吸引著女方，而呢股魅力唔一定係外型方面，例如才華、口才都會令男人散發光芒，好似崔嘅轉數同口才曾氹得唔少女明星就大概知道一二啦。

相片來源：amigochoi @ig，Natalie Ton@facebook