葡萄友：愈夜愈精神？死唔願瞓 4大好處

細細個阿媽教落，早睡早起身體好，但真係做到嘅年輕人有幾多個呀？晏睡晏起先係王道。最近外國有研究指出，會將鬧鐘延遲響鬧、有賴床動作的人，比一般人更聰明。呢類晚睡族群嘅學習力強，個性較獨立而且更有主見，更能適應世界的變化咁話囉。

報道更話，呢類夜瞓一族大多有好的推理能力，觀察力較強、也有立即分析的能力，未來可望從事有聲望的職業，收入也會比較高，所以而家有借口反駁阿媽啦！當然除咗以上有數據分析嘅資料外，我地呢類夜瞓一族又點解要夜瞓呢？以下呢4個夜瞓的好處，你無理由唔清楚。

夜闌人靜無人打擾
晚上12點前，無論你做事多專心，總會有人打擾你，唔係電話響，就係屋企人叫你，總係無法一個人靜靜地做愛做的事。

時間過得特別快
有時睇片上網總係有種無法自拔的感覺，明明開始時嗰陣只係11點，轉下眼就已經凌晨3至4點，絕對係快樂不知時日過。

唔捨得瞓
平日日頭返工返學，返到屋企唔係做功課就係照顧家人，只有深夜時份靜靜地享受屬於自己的時間。咁快瞓嘅話，代表好快又要面對明天繁忙嘅一天，叫人點捨得呀！

瞓唔著
最後一種就係平日太晏起身，2點前絕對瞓唔著，與其喺床上碌下碌下，不如上網睇片玩電話啦！

相片來源：recharmed ＠tumblr