葡萄友：居屋貴到買唔起 點解政府仲要助長樓價

葡萄友

居屋，係政府作為發展商起嘅屋宇，一開始嘅目的係畀公屋嘅居民上車之用，但近年嚟樓價急升，居屋定價係按私樓大約7成定價，所以售價依然係極不合理（需知道價錢一旦超越可負擔嘅價錢位，其實賣1,000萬定800萬已經無分別喇。）

居屋其中一個作用係用嚟壓止私樓無理嘅升幅，但望一望宜家嘅情況，似乎一早已經失去呢個作用啦。不過多得特首跑馬仔選舉，鬍鬚曾就話如果有幸當選，上任後就會將居屋定價同私樓脫勾，直接以市民入息中位數作定價，咁先唔會脫離市民負擔水平。鬍鬚曾提出呢個政策當然令人讚不絕口啦，不過另一方面佢做咁耐財爺都唔出手，宜家先嚟提出，就有點兒那個囉… 不過姑勿論其用意，但起碼可以發揮到真正居屋嘅用途嘛。

壓制私樓價格

其實居屋價錢應該係正常市民接民嘅水平，只有去到正常價位，先會造成私樓同居屋嘅超大格價落差，令私樓發展商有減價嘅迫切需要；相反目前居民售價依然偏高，只會令發展商有持無恐，繼續開出離地天價賣樓。

公屋上私樓中轉站

居屋其中一個原意係畀公屋市民拾級而上嘅機會，從公屋開始，買居民，繼而再轉私樓，騰空居屋再為予下一家人之用，可惜當居屋私樓價錢分別不大之時，居屋居民根定無法搬離；亦變相阻塞公屋居民轉樓之路。

禁止出租阻截屯積

居屋正常嚟講需要補地價先可以再做出租及轉售之用，換言之不能隨便出租，亦因為咁，先唔會出現私樓樓王嘅情況，即係一棟樓出租收租再買第二楝，久而久之令不少有樓無人住，有人無樓住嘅情況出現，貧富差愈來愈大。