薛家燕興奮抱孫仔:我唱《皆大歡喜》畀佢聽!

·2 分鐘文章
薛家燕興奮抱孫仔:我唱《皆大歡喜》畀佢聽!

藝人薛家燕尋日(29日)傳出喜訊,指其首名內孫平安健康出世,榮升嫲嫲,今日更兌現承諾公開BB性別!見她上載興奮抱孫照,及仔仔與新抱一家三口全家福,並發文表示:「Hello大家好,跟大家介紹一下我的孫仔Julian,他5月26號出世,出世時重7磅半,非常感恩在這疫情下順利健康出生,母子平安,我和家人都很開心,也萬分感謝傳媒和朋友們的祝福,再次多謝大家,也祝願大家身體健康,開開心心。」

今午她與兒子石耀庭在港安醫院見傳媒分享喜悅。家燕姐受訪時笑言:「佢好大隻,個樣就似爸爸,酒窩就似我,佢出咗世我成個人都安樂晒,之前心情又興奮、又緊張,佢出世前一晚我都瞓唔着。」石耀庭指還未為兒子改中文名,英文名叫Julian,名字較斯文,希望將來會乖一點,他笑說:「個仔把聲似我阿媽,喊起嚟夠晒響。」

家燕姐透露6月份會盡量減少工作湊孫,現時抱起孫兒也捨不得放低,她笑說:「BB好健康,食得瞓得,見佢喊抱起佢就唔喊,我問醫生係咪認得我,醫生話冇咁快,扭抱啫,佢哋叫我可以唔使抱咁耐,但係我邊捨得放低,我又唱《皆大歡喜》畀佢聽,佢就擘大隻眼仔笑,好識氹我開心!」問到可有學餵奶,她笑說:「BB食人奶,所以我冇得餵,都請咗一個24小時陪月幫手。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能