蝦頭食色性也 爆笑床戰曹永廉

東方日報
·1 分鐘文章
曹永廉與蝦頭這對「情場玩家」,最後有着意想不到的結局!
曹永廉與蝦頭這對「情場玩家」,最後有着意想不到的結局!

曹永廉與楊詩敏(蝦頭)於劇中名副其實的「臭味相投」,一對玩家撻着、分手又復合,情路迂迴。阿廉扮演的角色「閱女無數」,蝦頭則經常玩弄男伴於股掌之中。其中一場戲講述後者「禁慾」多時,2人借醉撩起慾火,演出踩界,拍攝時被蝦頭伸手入浴衣狂摷的阿廉說:「同佢合作可以去到好盡,大家專業都知點做,唔擔心畀佢話揩油!」

之後2人情海翻波被朱智賢「介入」,阿廉笑說:「我同朱朱由鬥氣到拍拖,後嚟因為蝦頭發生咗啲事,我好緊張,朱朱就主動叫我返去照顧佢。(咁現實生活中佢哋邊個啱你啲?)冬天蝦頭多肉暖啲,朱朱四季都差唔多。」而講到戲中與朱朱有幾場拳擊戲,他打趣說:「都辛苦o架!有時都好難避免『食晒』,佢就成日同我講唔好意思。」

朱智賢於劇中介入曹永廉與蝦頭之間。
朱智賢於劇中介入曹永廉與蝦頭之間。